@em.xeber: Müğənni Kəmalə Qaramollayeva Heydər Əliyev Sarayında baş tutacaq solo konserti ərəfəsində yeni musiqi layihəsini dinləyicilərin ixtiyarına verib. İfaçı "Dünyam" adlı yeni mahnısı üçün xüsusi klip də ərsəyə gətirib. Layihənin rəhbərliyini tanınmış prodüser Asif Kərimov öz üzərinə götürüb. Cəmiyyətdə aktual olan bir sıra mühüm sosial problemlərə toxunan və dərin mesajlar ehtiva edən ekran əsəri qısa müddət ərzində sosial şəbəkə istifadəçilərinin böyük marağına səbəb olub. Dinləyicilər və izləyicilər bu cür ibrətamiz və nümunəvi mesajlar daşıyan layihələrin sayının artırılmasının vacibliyini xüsusi vurğulayıblar. Xatırladaq ki, Kəmalə Qaramollayeva noyabrın 25-də ölkənin əsas səhnəsi olan Heydər Əliyev Sarayında solo konsert proqramı ilə sevənlərinin qarşısına çıxacaq. Gecənin biletlərini onlayn olaraq iTicket.AZ saytından və şəhərimizin kassalarından əldə etmək mümkündür.
