سنیما کی دنیا میں کئی کہانیاں پردے پر جنم لیتی ہیں اور وہیں ختم ہو جاتی ہیں، لیکن کچھ داستانیں ایسی ہوتی ہیں جو اداکاروں کی حقیقی زندگی پر ایسا نقش چھوڑ جاتی ہیں جو وقت گزرنے کے باوجود دھندلا نہیں ہوتا۔ ایسی ہی ایک لازوال اور دردناک کہانی بالی ووڈ کے مایاناز اداکار نانا پاٹیکر اور دلکش اداکارہ منیشا کوئیرالا کی ہے۔ 90 کی دہائی میں فلم "خاموشی" کے سیٹ سے شروع ہونے والا یہ تعلق محض ایک فلمی کہانی نہیں تھا، بلکہ جذباتی وابستگی کا ایک ایسا طوفان تھا جس نے دونوں کی زندگیوں کو بدل کر رکھ دیا۔ نانا پاٹیکر، جو اپنی سنجیدہ اداکاری اور سخت مزاجی کے لیے جانے جاتے ہیں، منیشا کی معصومیت اور خوبصورتی کے سحر میں اس حد تک گرفتار ہوئے کہ ان کی دنیا ہی بدل گئی۔ لیکن اس خوبصورت محبت کی داستان میں دوریاں اس وقت آنا شروع ہوئیں جب فلم "وجود" کے دوران نانا پاٹیکر اور اداکارہ عائشہ جھلکا کی نزدیکیوں کی خبریں سامنے آئیں۔ ان دنوں منیشا نے نانا پاٹیکر اور عائشہ جھلکا کو ایک ساتھ دیکھ لیا تھا، جس کے بعد دونوں کے درمیان شدید تلخ کلامی ہوئی۔ یہ واقعہ ان کے درمیان ایسی دوریوں کا باعث بنا جسے وقت بھی نہ بھر سکا۔ جذبات کی شدت، غلط فہمیوں اور عائشہ جھلکا کے آنے سے پیدا ہونے والی دوریوں نے اس رشتے کو ہمیشہ کے لیے ادھورا چھوڑ دیا۔ ایک وقت ایسا بھی آیا جب نانا پاٹیکر نے اپنے ان کہے جذبات کا اظہار کرتے ہوئے اعتراف کیا کہ منیشا کو یاد کر کے ان کی آنکھیں آج بھی نم ہو جاتی ہیں۔ ان کا کہنا تھا کہ منیشا ایک ایسی اداکارہ اور انسان ہیں جن کا احترام اور جگہ ان کے دل میں ہمیشہ قائم رہے گی۔ یہ کہانی ہمیں بتاتی ہے کہ ہر محبت کا انجام ملن نہیں ہوتا۔ کچھ محبتیں ادھوری رہ کر ہی لازوال ہو جاتی ہیں، اور ان کا درد انسان کے ساتھ عمر بھر خاموشی سے سفر کرتا رہتا ہے۔ #تحریر بائے میر شاہنواز عارفانی کراچی ملیر یوسف عارفانی گوٹھ - @meershahnawazmst