@gura.ge.dynasty: በምሥራቅ ጉራጌ ዞን ሶዶ ወረዳ በታጣቂዎች በተፈጸመ ጥቃት 5 አርሶ አደሮች ተገደሉ በማዕከላዊ ኢትዮጵያ ክልል ምሥራቅ ጉራጌ ዞን ሶዶ ወረዳ በገፈርሳ ጊዮርጊስ እና ጆሮ አካባቢዎች ዛሬ ጠዋት ከሁለት ሰዓት ጀምሮ በተፈጸመ የታጣቂዎች ድንገተኛ ጥቃት አምስት አርሶ አደሮች መገደላቸው ተሰምቷል። ከጥቃቱ በኋላ በአካባቢው የነገሠው የጸጥታ ስጋት ከፍተኛ መሆኑን የገለጹት ነዋሪዎች፣ ለሕይወታቸውና ለንብረታቸው ዋስትና በማጣታቸው ለከፍተኛ ጭንቀት መዳረጋቸውን ገልጸዋል። በመሆኑም ተጨማሪ ሰብአዊ ቀውስና እልቂት እንዳይከሰት የፌደራል መንግሥት የመከላከያ ኃይል በአስቸኳይ እንዲያሰማራ እንዲሁም የክልሉና የአካባቢው አስተዳደር ሁኔታውን ተቆጣጥሮ ዘላቂ መፍትሔ እንዲሰጥ በጥብቅ እየጠየቁ ይገኛሉ።