@htay.lwin240: သမ္မတဒေါ်နယ်ထန့်အစိုးရက နိုင်ငံတကာရာဇဝတ်တရားရုံး (ICC) အပေါ် ပိတ်ဆို့လွှမ်းခြုံထားတဲ့ အရေးယူပိတ်ဆို့မှုအသစ်တွေ စတင်ချမှတ်လိုက်ပြီး၊ အမေရိကန်အခြေစိုက် ဘဏ္ဍာရေးဝန်ဆောင်မှုတွေ၊ နည်းပညာကုမ္ပဏီတွေနဲ့ အမေရိကန်ဒေါ်လာ သုံးစွဲခွင့်တွေကို လုံးဝဖြတ်တောက်လိုက်ကြောင်း နိုင်ငံခြားရေးဝန်ကြီး မာကိုရူဘီယိုက အောက်တိုဘာလ ၉ ရက် သောက်ကြာနေ့မှာ ကြေညာပါတယ်။ အမေရိကန်ဟာ ICC အဖွဲ့ဝင်နိုင်ငံ မဟုတ်တာကြောင့်၊ ICC အနေနဲ့ အမေရိကန်နိုင်ငံသားတွေကို အရေးယူပိုင်ခွင့် မရှိဘူးလို့ ဝန်ကြီးရူဘီယိုက ပြောပါတယ်။ ICC တရားရုံးတည်ရှိမှု ပျက်ပြားသွားစေဖို့ ရည်ရွယ်ချက်နဲ့ အဖွဲ့အစည်း တစ်ခုလုံးနဲ့ ဆက်စပ်တဲ့ ငွေကြေးနဲ့ စီးပွားရေးဆိုင်ရာ အရောင်းအဝယ် လုပ်ဆောင်မှုအားလုံးကို အမေရိကန်က ပိတ်ပင် တားမြစ်လိုက်တာ ဖြစ်ပါတယ်။ ဒီကြေညာချက်ဟာ တောင်အဖရိက တရားသူကြီးနဲ့ ICC တရားသူကြီးဟောင်း နာဗီပီလိုင်းကို ၂၀၂၆ ခုနှစ် နိုဘယ်ငြိမ်းချမ်းရေးဆု ချီးမြှင့်ကြောင်း ကြေညာချက် ထွက်လာပြီး မိနစ်ပိုင်းအကြာမှာ ထွက်ပေါ်လာတာပါ။ နိုင်ငံရေးလေ့လာသူ တချို့က နာဗီပီလိုင်းကို အခုနှစ်အတွက် နိုဘယ်ငြိမ်းချမ်းရေးဆု ချီးမြှင့်လိုက်တဲ့အပေါ် သမ္မတဒေါ်နယ်ထရမ့်ဘက်က အမြတ်ဒေါသ ထွက်နိုင်တယ်လို့ သုံးသပ်ပြောဆိုနေကြချိန်မှာဘဲ ဝန်ကြီးရူဘီယိုရဲ့ ICC အပေါ် ချမှတ်တဲ့ ပိတ်ဆို့အရေးယူမှုအသစ်တွေ ထွက်ပေါ်လာတာ ဖြစ်ပါတယ်။ ဒီပိတ်ဆို့မှုတွေထဲမှာ ပါဝင်တဲ့ အဓိက အချက်သုံးချက်ကတော့ - ၁။ အမေရိကန်က ICC ရဲ့ တရားသူကြီးနဲ့ တာဝန်ရှိသူ ၁၇ ဦးကို အရင်က တစ်ဦးချင်း အရေးယူ ပိတ်ဆို့ခဲ့ဖူးပေမဲ့၊ အခုတစ်ကြိမ်မှာတော့ တရားရုံးရဲ့ ဘဏ္ဍာရေးရာ လုပ်ဆောင်နိုင်စွမ်းတွေကို လုံးဝပြိုလဲသွားစေဖို့ အဖွဲ့အစည်းတစ်ခုလုံးကိုပါ တိုက်ရိုက်ပြစ်ဒဏ်ချမှတ်လိုက်တာ ဖြစ်ပါတယ်။ ၂။ နီဥပဒေအသစ်အရ ကုမ္ပဏီတွေနဲ့ ကမ္ဘာ့အဖွဲ့အစည်းတွေအနေနဲ့ တရားရုံးနဲ့ ပတ်သက်နေတဲ့ ဆက်ဆံရေးအားလုံးကို ၆ လအတွင်း အပြီးသတ် ဖြတ်တောက်ရမှာဖြစ်ပြီး၊ အဲ့ဒီလို မလုပ်ခဲ့ရင် ကြီးမားတဲ့ ဥပဒေကြောင်းအရနဲ့ စီးပွားရေးဆိုင်ရာ အကျိုးဆက်တွေကို ရင်ဆိုင်ရမှာ ဖြစ်ပါတယ်။ ၃။ ဝန်ကြီးရူဘီယိုက ICC ကို အတုအယောင်နဲ့ လမ်းလွဲနေတဲ့ တရားရုံးအဖြစ် ဖော်ပြခဲ့ပြီး၊ အမေရိကန်နဲ့ အဓိက မဟာမိတ်ဖြစ်တဲ့ အစ္စရေးနိုင်ငံတို့ရဲ့ စစ်ရေးလှုပ်ရှားမှုတွေအပေါ် စုံစမ်းစစ်ဆေးမှုတွေထဲကနေ အမေရိကန်ရဲ့ အချုပ်အခြာအာဏာကို ကာကွယ်ဖို့အတွက် အခုလို အရေးယူရတာဖြစ်ကြောင်း ပြောဆိုထားပါတယ်။ ဒီထုတ်ပြန်ချက်ဟာ နိုဘယ်ငြိမ်းချမ်းရေးဆု ကြေညာမှုနဲ့ တိုက်ဆိုင်နေပေမဲ့ အမေရိကန် တာဝန်ရှိသူတွေကတော့ တိုက်ဆိုင်မှု သက်သက်သာ ဖြစ်ပြီး ဘဏ္ဍာရေးဆိုင်ရာ အရေးယူပိတ်ဆို့မှုတွေကို လွန်ခဲ့တဲ့ လပေါင်းများစွာ ကတည်းက ပြင်ဆင်ဆောင်ရွက်ခဲ့တာလို့ ပြောပါတယ်။ ဒါပေမဲ့ ဒီလုပ်ဆောင်မှုအပေါ် အမေရိကန်ရဲ့ မဟာမိတ်နိုင်ငံတွေဘက်က ချက်ချင်းဆိုသလို ပြင်းပြင်းထန်ထန် ဝေဖန်ရှုတ်ချခဲ့ကြပြီး၊ ICC ကလည်း အမေရိကန်ရဲ့ အရေးယူပိတ်ဆို့မှုတွေဟာ တရားဥပဒေစိုးမိုးရေးကို အထိနာ တိုက်ခိုက်ခြင်းဖြစ်သလို နိုင်ငံတကာ တရားဥပဒေစနစ်ရဲ့ အုတ်မြစ်တွေကို တိုက်ရိုက်ချိန်ခြောက်လိုက်တာ ဖြစ်ကြောင်း ပြင်းထန်စွာ တုံ့ပြန်ခဲ့ပါတယ်။

သတင်းထူးသတင်းဦး

Open In TikTok:

Region: MM

Sunday 11 October 2026 02:53:52 GMT