@arwa.areej: وصفة يقطين مختلفة شوي شويتها بالفرن والحشوة خلطة فطر وجبنة وسبانخ عنجد طلعت خرافية .. القرع دايب وطعمتو روعة ضروري تجربوها خصوصاً بموسم اليقطين #قرع #يقطين #يقطين_مشوي #ريلز_explor #وصفات_اروى_اريج يقطين مشوي بالفطر والسبانخ حبة يقطين وزن كيلو تقريباً بنغسلها و بنقسمها من النص بنشيل البذور. بصينية فرن بنحط القطعتين وعليهم ملح وفلفل أسود وبابريكا وفلفل مجروش وزيت زيتون وبندخلها عالفرن على ٣٥٠ فهرنهايت مدة ساعة . الحشوة : بمقلاة عالنار بنضيف شوية زيت زيتون وبننزل عليهم ببصلة مفرومة ناعم وحصين توم شرايح رشة ملح وبابريكا بس يدبل بنضيف نص كوب فطر طازج مقطع صغير بنقلب وبنضيف نص كوب سبانخ طازج أو فروزن بنقلب وبنضيف ملعقتين كبار جبنة كريمية بنقلبهم شوي وبيكونو جاهزين . بنطلع اليقطين من الفرن بشوكة بنهرس الجزء الداخلي منه وبنضيف حشوة الفطر بالتساوي وفوقها شوي من جبنة الموتزريلا وبندخلها الفرن تتحمر من فوق بنقدمها مع رشة من البقدونس المفروم وصحة

37104

284

158

2026-10-12 09:31:48

2026-10-12 01:58:39

2026-10-12 06:40:36

2026-10-11 22:06:31

To see more videos from user @arwa.areej, please go to the Tikwm homepage.