@murtaza_769: وہ کاغذ آج بھی پھولوں کی طرح مہکتا ہے جس پر تم نے مذاق میں لکھا تھا کہ محبت ہے تم سے، مگر تم کیا جانو کہ تمہارے وہ چند لفظ میرے دل کی دنیا بدل گئے تھے، میں نے تو انہیں محض ایک جملہ سمجھ کر نہیں پڑھا تھا بلکہ اپنی زندگی کی سب سے خوبصورت حقیقت بنا کر دل میں سجا لیا تھا، آج بھی جب کبھی تنہائی میں وہ کاغذ کھول کر دیکھتی ہوں تو یوں محسوس ہوتا ہے جیسے وقت وہیں ٹھہر گیا ہو، جیسے تمہاری مسکراہٹ ان لفظوں میں کہیں چھپی بیٹھی ہو اور تمہاری آواز دھیرے سے میرے دل کو پکار رہی ہو، عجیب بات ہے نا کہ تم نے وہ بات مذاق میں لکھی تھی مگر میں نے اسے سچ سمجھ کر اپنی روح میں اتار لیا، تمہارے لیے شاید وہ چند لمحوں کی شرارت تھی مگر میرے لیے وہ عمر بھر کی یاد بن گئی، اس کاغذ کی سیاہی تو شاید وقت کے ساتھ مدھم پڑ جائے مگر اس پر لکھے تمہارے لفظوں کی خوشبو آج بھی میرے دل میں تازہ ہے، میں جب بھی اسے اپنے ہاتھوں میں لیتی ہوں تو دل بے اختیار مسکرا اٹھتا ہے اور آنکھوں میں ایک عجیب سی نمی اتر آتی ہے، کیونکہ کچھ یادیں ایسی ہوتی ہیں جنہیں انسان چاہ کر بھی بھلا نہیں سکتا اور کچھ لفظ ایسے ہوتے ہیں جو مذاق میں کہے جائیں تب بھی دل انہیں دعا سمجھ کر قبول کر لیتا ہے، تمہیں شاید اندازہ بھی نہیں کہ تمہارے اس ایک جملے نے میرے اندر کتنی خوبصورت امیدیں جگائی تھیں، میں نے ان لفظوں میں اپنا کل دیکھا تھا، اپنے خوابوں کی تعبیر تلاش کی تھی اور ایک ایسی محبت محسوس کی تھی جسے لفظوں میں بیان کرنا آسان نہیں، کاش تم ایک بار میری آنکھوں سے اس کاغذ کو دیکھ پاتے تو تمہیں معلوم ہوتا کہ تمہارے لیے وہ صرف ایک کاغذ ہے مگر میرے لیے تمہاری یادوں کا سب سے قیمتی خزانہ ہے، جسے میں نے آج تک سنبھال کر رکھا ہے، کیونکہ محبت ہمیشہ بڑے بڑے وعدوں کی محتاج نہیں ہوتی، کبھی کبھی کسی کے ہاتھ سے لکھے ہوئے چند سادہ سے لفظ بھی انسان کے دل میں عمر بھر کے لیے گھر بنا لیتے ہیں، اور سچ کہوں تو تم نے مذاق مذاق میں جو محبت لکھ دی تھی، میں آج تک اسی محبت کو اپنے دل میں سچ کی طرح سنبھالے بیٹھی ہوں۔ ❤️🌹 #fyp
