කෙනෙක් මගෙන් ඇහුවා, “කෙනෙක්ට තමන්ගේ හැඟීම් විහිළුවක් වෙන තරමට ආදරේ කරන්න පුළුවන්ද?” කියලා. මං කිව්වා, “පුළුවන්… තමන්ට කොච්චර රිදුණත් ඒ මනුස්සයාව අත්හරින්න බැරි තරමට ආදරේ කරනන පුළුවන්.” මුලින් අපි හිතන්නේ අපි ආදරේ කරන තරමටම එයත් අපිට ආදරේ කරයි කියලා. අපි එයා වෙනුවෙන් කරන දේවල්, අපි එයා ගැන හිතන තරම, එයාව නැති කරගන්න තියෙන බය… කවදාහරි එයාටත් දැනෙයි කියලා. ඒත් ටිකෙන් ටික තේරෙනවා, අපි එයා වෙනුවෙන් මහ ගොඩක් දේවල් කරද්දිත් එයාට ඒවා කිසිම දෙයක් නොවෙන්න පුළුවන් කියලා. අපි රිදුණාම ඒ ගැන කියනවා. එයා වෙනස් වෙයි කියලා බලාගෙන ඉන්නවා. ආයෙත් රිදෙනවා. ආයෙත් සමාව දෙනවා. ආයෙත් ඒ මනුස්සයා ළඟටම යනවා. අන්තිමට වෙන්නේ, අපි රිදෙන හැම වෙලාවකම අපේ හිත හදාගන්නත් අපිම පුරුදු වෙන එක. හැබැයි දන්නවද වැඩියෙන්ම රිදෙන දේ මොකක්ද කියලා? අපිට රිද්දන මනුස්සයාට වෛර කරන්නවත් බැරි වෙන එක. මොන දේ වුණත් එයා ගැන හිතන එක නවත්තගන්න බැරි වෙන එක. එයා අපිව රිද්දපු දේවල් දැන දැනත්, එයාගෙන් ලැබෙන පුංචි ආදරයක් වෙනුවෙන් හිත ඇතුළෙන් තාමත් බලාගෙන ඉන්න එක. එතකොට අපිට අපි ගැනම දුක හිතෙනවා. “ඇයි මම මෙච්චර ආදරේ කරන්නේ? ඇයි මට මේ මනුස්සයාව අතහරින්න බැරි? මගේ ආදරේ මෙච්චර බාල්දු වෙන්න තරම් මම කළ වරද මොකක්ද?” කියලා අපි අපෙන්ම අහනවා. ඒත් උත්තරයක් හම්බෙන්නෙ නෑ. මොකද අපිට ඕන වුණේ ලොකු දෙයක් නෙවෙයි. අපි දුන්න ආදරේට සමාන ආදරයක් නැතත්, අඩුම තරමේ අපේ ආදරේ වටිනාකම තේරුම් ගන්න කෙනෙක් විතරයි. අන්තිමට මට තේරුණේ එක දෙයයි… කෙනෙක්ට ආදරේ කරන එකයි, ඒ කෙනා ඉස්සරහ තමන්ගේ ආත්මගරුත්වයත් අමතක වෙන තරමට අසරණ වෙන එකයි කියන්නේ දෙකක්. ඒත් ඒ දෙක අතර වෙනස තේරුම් ගන්නකොට සමහර මිනිස්සු තමන්ගේ හිත ඇතුළෙන් දහස් වතාවක් මැරිලා ඉවරයි. මමත් ඒ වගේ… එයාව අහිමි වෙයි කියන බයට, මාවම අහිමි කරගත්ත කෙනෙක්.🥀❤️‍🩹 #quotes #apiayehamuwela #slowedandreverb #onemillionaudition #shenx999 @Uvindu Ayshcharya - @shenx_999