မင်းနဲ့အတူ ပတ်သက်ခွင့် ချစ်ခွင့်ဆိုတဲ့ အခွင့်အရေးတွေ ငါ့မှာ မရှိတော့တာကို လက်ခံထားပြီးပါပြီ... ဒါပေမဲ့ မင်းကို လွမ်းဆွတ်နေမိတဲ့ စိတ်တစ်ခုကိုတော့ ငါ့ရင်ဘတ်ထဲကနေ ဘယ်လိုမှ မထုတ်ပစ်နိုင်သေးဘူး ငါတို့ ဝေးကွာခဲ့ရပေမဲ့ မင်းနဲ့ပတ်သက်ခဲ့တဲ့ တချိန်က အမှတ်တရတွေ မင်းရဲ့အပြုံးတွေ ငါတို့ ရယ်မောခဲ့ကြတဲ့ စကားသံတွေက ငါ့ရင်ထဲမှာ ဒီအတိုင်းလေး ရှိနေတုန်းပဲ မင်းဆီကို မလာနိုင်တော့ပေမဲ့မင်းရဲ့ အနားမှာ နွေးထွေးခွင့် မရှိတော့ပေမဲ့ ညပေါင်းများစွာရဲ့ တိတ်ဆိတ်မှုထဲမှာ မင်းအကြောင်းကို သတိရမိ တာကတော့ ငါ့စိတ်ကို ငါကိုယ်တိုင် ဘယ်လိုမှ ထိန်းချုပ်လို့ မရနိုင်တော့တဲ့ ခံစားချက်တစ်ခုပါပဲ... မင်းဆီကို ဘာစာမှ ပို့ခွင့်မရှိဘူး မင်းရဲ့သတင်းတွေကို မေးမြန်းခွင့်မရှိဘူးဆိုတာ သိပေမဲ့ ငါ့ရဲ့ တိတ်ဆိတ်တဲ့ လွမ်းဆွတ်ခြင်းတွေက မင်းဆီကို ဘာဝန်ထုပ်ဝန်ပိုးမှ ဖြစ်မလာစေပါဘူး မင်းနဲ့ ဝေးကွာသွားတာ ကြာခဲ့ရင် တောင် မင်းနဲ့ပတ်သက်ခဲ့ဖူးတဲ့ ခံစားချက်လေးတွေကို မြတ်နိုးစွာနဲ့ပဲ တိတ်တဆိတ် သိမ်းဆည်းထားပါရစေ မင်းနဲ့ ပတ်သက်ပြီး ငါ့မှာ ချစ်ခွင့်မရှိတော့ပေမဲ့... လွမ်းခွင့်တော့ ရှိသေးတယ် မဟုတ်လားဆိုတဲ့ စကားလေးတစ်ခွန်းနဲ့ပဲ ငါ့ရင်ထဲက ဒဏ်ရာတွေကို သာသာလေး ပွတ်သပ်ရင်း မင်း မသိအောင်ပဲ ဆက်လွမ်းနေပါရစေတော့... - @tarbanjar