Құрметті аудан тұрғындары! Мемлекет басшысы барлық деңгейдегі мәслихаттардың өкілеттігін мерзімінен бұрын тоқтату туралы Жарлыққа қол қойды. Осыған байланысты менің де депутаттық қызметім аяқталды. Депутаттық қызметім барысында маған сенім білдіріп, қолдау көрсеткен баршаңызға шын жүректен алғысымды білдіремін! Шынымды айтсам, мен бұрын депутат болуды армандаған да, жоспарлаған да емеспін. Бұл жолға түсуіме себеп болған — өздеріңіз, Ауданымздың тұрғындарының өтініштері мен маған деген сенімдері. Мен осы сенімді ақтау үшін ауданымыздың дамуына үлес қосып, тұрғындарды толғандырған мәселелерді көтеруге тырыстым. Әрине, бұл жұмыстар — бір адамның емес, көпшіліктің бірлескен еңбегінің нәтижесі. Осы іске үлес қосқан, қолдау көрсеткен барша азаматқа алғыс айтамын! Бүгінде депутаттық мерзімім аяқталды. Дегенмен, бұл басталған жұмыстар мен игі бастамалар тоқтауы керек деген сөз емес. Халыққа пайдалы істер жалғасып, көтерілген мәселелер өз шешімін табады деп сенемін. Қадірлі жерлестер! Осы уақыт ішінде маған өтінішпен келген, ұсынысын айтқан, сын-пікірін білдірген әрбір азаматқа рақмет. Сіздердің пікірлеріңіз бен қолдауларыңыз мен үшін әрдайым маңызды. Сіздердің ойларыңызды білгім келеді: алдағы уақытта менің депутаттық қызметімді жалғастыруыма қатысты пікірлеріңіз қандай? Мені қайтадан депутат ретінде көргіңіз келе ме? Осы сауалға қатысты ойларыңызды ашық білдірсеңіздер екен. Әрбір пікірді құрметпен қабылдаймын. Ауданымыз — біз үшін ортақ үйіміз, ал оның дамуы — баршамызға ортақ міндет. Ауданымыз көркейіп, тұрғындарымыздың тұрмысы жақсара берсін! Әр шаңыраққа амандық, денсаулық, береке мен бақ-дәулет тілеймін! Сенімдеріңіз үшін рақмет! Қолдауларыңыз үшін рақмет! Бірге болғанымыз үшін рақмет! Құрметпен, Қанат Маратұлы Мырзахметов - @mirzahmetov_kanat