@za33g: والقران بالغلط والقـران ... ابتسم بخفه وگال " ترا ما يوجع الخياط مخلين مخدر وبعدين بويه انـه اتلگه الموت لخاطر هاي عيونج مو ذني المقبلات ! ما احس الا اتمردت دمعتي ونزلت ع خدي عگد كصته وراساا يريد يگوم وصاح الممرض وين گايم يالكائنات غير جاي نخيطط ؟ كتله فدوه ارجع نامم لتتحرك رفع ايده يمسح دمعتي بحنيه وگال " عساهن عشره موو 6 بسس لا تبجين وتشلعين گلبي " كتله بقهر " ملهـم لا تضوجني بالزايد هوو گلبي مشتعل عليك " ابتسم وگال " اروح هدر لگلبج يبوي " صفنت بعيونه لا مهتم ولا شي واني اريد ادگ والطم وهو صافن بيه خليت ايدي ع خدي بقهرر وعصبيه والممرض گام يلف ايده باندج وباوعلي وگال " خويه اهتمي بي كل 6 ساعات لو 8 عقمي الخياط وارجعي لفيهن " كلت بگلبي لعد لو يدري بيج الخياط بسببج فـ شدلـه كانولـه وكال هذا مسكن الـم فـ مرت نص ساعه رفعت عيوني لملهـم وصفنت عليه من شفته نايـم وايده الثانيه لازمه ايدي صفنت بي وبملامحه واتذكرت كلامه وشلون طلع يشوفني بالكامرات كل يوم احس الحقد والكرهه الي بداخلي اتبخر وراح ورجعت مشاعري الحقيقه الـه وگلبي يدگلـه وفعلا قررت انطي فرصـه لان عوزي ع هل 6 خياطات واكله اتوكل حتئ يكطعني 🙄فـ رحت جبت معلاك وعصير ومي وكلت حتئ من يكعد ياكل لان فقد دم هواي ولازم يعوض كمل المغدي وهو نايم ماحبيت اكعده لحد ما بدت عيونه تفتح ابتسمت وهوو يغمض عيونه ويفتحهن بنعـاس كتله احم الحمد الله ع سلامتك ..عگد كصته وكال اذا من اكعد اشوف وجهج گبالي بويـه ماريد هالسلامه وايدي الثانيه تكول بالخدمه ! ابتسمت وجبت العلاكه وكتله عدل كعدتك حتئ تاكل صفن ع العلاكه وكال شني هـاي ! كتله اكل غيرر فقدت دم هواي ولازم تعوض ميل راسه وگال " بابـه وليش اتعبين نفسج وتطلعين انه من اكعد اگوم اجيب " كتله لااا يگلبي انت اكعد واكل يكفي شلعان الگلب مال اليوم ابتسم ورخت ملامح وجهه لحضات وگال " يسلملي گلبج يگلبي " ✨ كتله احم ترا بعفويه ضحك بخفه وهوو يعدل كعدته وگال تعالي بابـه تعالي اكلي وياي كتله لااا ممشتهيه اكل انـت اكل رفع حاجبه بخزره وگال " تعالي ابويه سويلي واهس ترا انه هم ما اشتهي " من كال هيج ماكدرت ابقه كمت اتربعت وكعدت ع السديه ابتسم وهو يباوع لكعدتي وگال " احب عفويتج يشهد محمد " كتله ملهـمم اكل اكل ابتسم عوف سؤالفك ..ضحك وگام ياكل وكل شويه يخلي كدامي لو يسويلي لفه وشلع گلبي ليكول اني المريضه يوكل بيه وعايف روحه فـ شربنه عصير ومي وكملنه وطلعنه كعد بالصدر وگال " اضن اليوم احلا يوم من بعد هالاسبوع وضيمه لان انتي گبالي " كتله والـ 6 خياطات ميل راسه وگال طايحات لهاي سحبه عيوونج ابتسمت ع غزلـه والصراحه خجلت همات فـ وصلته لبيتهـم گال شلون اندليتي ؟ كتله سر المهنه ! ابتسـم وگال جاا ع كولتج اتفضلي نطك استكان جاي واتوكلي ! كتله كاعد تغريني وتدري بيه ضعيفه يم الجاي راساا فتحت باب السياره ونزلت ضحك بصوت ونزل من السياره فتح بابهـم وكال اتفضلي هذا بيتج المستقبلي صحت بي وكتله ملهـممم ؟ هز راسه بضحكه وفتح باب الاستقبال وگال اتفضلي يبعد ابوج فـ طبيت وكعدت وراح يصيح يمـه ما يمـه وصوت امه تكله هلاااا بشمعه بيتي هلاااا بهيبتي لا ارادياا ابتسمت ع اصواتهم فـ شويه وطبت امه سلمت وكاعده يمي تبوس بيـه فرحانه شويه واجه ملهـم بيده صينيه الجاي اتقربلي وكال بويه جعل محد غيرج يشرب الجاي واني لا اكدر احجي لا اصخم امه موجوده ابتسم وكعد ولا كأنما فـ شربت الجاي وشويه ورجعت للبيت وبقه استفهام براسي شعجب منتضر مخلي الكامرات بيد ملهـم ؟ فـ ثاني يوم من داومت شفت منتضرر راساا رحت يمه وسلمت عليه گوه كتله ممكن سؤال كال اتفضلي ست ضليت صافنه طلع يعرف يحجي كتله شعجب منطي الكامرات لملهـم ؟ كال بعفويه " شلون لعد ست غير هـو مالك المجمع ويطلب يشوف الكامرات مانكدر نرفض وبعدين دكتور ملهـم صاحب فضل عليه وكذا شهر ما ياخذ مني ايجـار بسبب ضروفي وعائلتي .....

آلِــ عِــنِـــود 🎀

Open In TikTok:

Region: IQ

Monday 12 October 2026 14:39:43 GMT