@masitha.tiktok15: කෙනෙක්ව තමන්ගෙම කරගන්න එකද..? හැමදාම ළඟින් තියාගන්න එකද..? ලෝකෙටම පේන්න අතේ එල්ලිලා ඇවිදින එකද..? නැත්නම් තමන්ට අයිති නැති බව දැන දැනත් ඒ හිතට පුදුමාකාර විදිහට ආදරේ කරන එකද..? සමහරවිට ආදරේ කියන්නෙ ඒ කිසිම දෙයක් නොවෙන්න පුළුවන්.. ආදරේ කියන්නෙ කෙනෙක්ගෙ නම ඇහුණත් හිත නිවෙන එකට.. දවසෙම කොච්චර ප්‍රශ්න තිබුණත් එයාගෙ එක වචනයකින් හිතට සැනසීමක් දැනෙන එකට.. දහස් ගාණක් මිනිස්සු අතරෙ හිටියත් එකම එක හිතක් ළඟ විතරක් තමන්ට තමන් වෙන්න පුළුවන් වෙන එකට.. කිසිම හේතුවක් නැතුව එයාව මතක් වෙන එකට.. එයා සතුටින් ඉන්නවා කියලා දැනගත්තම තමන්ගෙ හිතත් සතුටු වෙන එකට.. හමුවීම ලස්සනයි.. හැඟීම් අවංකයි.. ආදරේ ගැඹුරුයි.. ඒත් වෙලාව වැරදියි.. අන්න එතනදි තමයි ජීවිතේ ලස්සනම හැඟීමක් හිතට දරාගන්න බැරි තරම් වේදනාවක් වෙන්නෙ.. එයාට ආදරේ කරන හිතක් තියෙනවා.. ඒත් ඒ ආදරේ ගැන හැමෝටම කියන්න බැහැ.. එයාව මතක් වෙනවා.. ඒත් හැම වෙලාවකම ඒ බව කියන්න බැහැ.. එයාව දකින්න ආසයි.. ඒත් හැමදාම ළඟට යන්න බැහැ.. එයා එක්ක කතා කරන්න ආසයි.. ඒත් කතා කරන්න බැරි දවස්වල නිහඬවම ඉන්න වෙනවා.. කවුරුත් දකින්නෙ නැති ඒ නිහඬකම ඇතුළෙ කොච්චර හැඟීම් තියෙනවද කියලා දන්නෙ ඒ හිත විතරයි. සමහර හිත් ඉල්ලන්නෙ අයිතියක් නෙවෙයි.. පුංචි අවධානයක්.. අවංක වචනයක්.. තමන්ව තේරුම් ගන්න පුළුවන් එකම එක හිතක්.. ලෝකෙටම කියන්න බැරි දේවල් නිදහසේ කියන්න පුළුවන් තැනක්.. ආදරේ තියෙනවා.. ඒත් අයිතියක් නැහැ.. හැඟීම් තියෙනවා.. ඒත් ඒවාට නමක් දෙන්න බැහැ.. මතක තියෙනවා.. ඒත් ඒ මතකවලට අනාගතයක් නැහැ.. බලාපොරොත්තු තියෙනවා.. ඒත් ඒවා සැබෑ කරගන්න පුළුවන්කමක් නැහැ.. අන්තිමේදී ඉතුරු වෙන්නෙ මතක ටිකක් විතරයි.. 🩶🥀 ඒත් මම එක දෙයක් විශ්වාස කරනවා.. කෙනෙක්ට ආදරේ කරන එක වැරැද්දක් වෙන්නෙ ඒ ආදරේ නිසා තවත් හිතකට වේදනාවක් දෙනකොටයි.. තමන්ගෙ සතුට වෙනුවෙන් තවත් කෙනෙක්ගෙ ජීවිතයක් බිඳ දමනකොටයි.. අවංක හැඟීම් කියන නාමයෙන් වගකීම් අමතක කරනකොටයි.. මොකද ආදරේ කියන්නෙ තමන්ගෙ හිතට දැනෙන හැඟීම විතරක් නෙවෙයි.. තවත් හිතක හැඟීම්වලට ගරු කරන්නත් දැනගන්න ඕනෙ.. අයිතියක් නොඉල්ලන ආදරයක වුණත් සීමාවන් තියෙන්න ඕනෙ.. අවංකකම තියෙන්න ඕනෙ.. අනිත් අයගෙ ජීවිතවලට ගරු කිරීමක් තියෙන්න ඕනෙ.. ඒ සීමාවන් ඇතුළෙ තමන්ගෙ හැඟීම් පරිස්සම් කරගන්න කෙනෙක් දන්නවා නම්, ඒ හිත ඇතුළෙ තියෙන වේදනාව පිටින් බලලා තීරණය කරන්න ලේසි නැහැ.. සමහරවිට දෙවියොත් දන්නවා ඇති.. ඒ හිත කොච්චර නිහඬව දුක් විඳිනවද කියලා.. කොච්චර වාරයක් තමන්ගෙ හැඟීම් එක්ක තමන්ම සටන් කරනවද කියලා.. කොච්චර වාරයක් අතහැරලා දාන්න හිතුවත් එක මතකයක් නිසා ආයෙත් ඒ ආදරේ ළඟ නතර වෙනවද කියලා.. ඒත් ජීවිතේ හැම ආදරයකටම අපි කැමති අවසානය ලැබෙන්නෙ නැහැ.. සමහර මිනිස්සු අපිට හිමි වෙන්නෙ අපේ ජීවිත කතාව ඇතුළෙ නෙවෙයි.. අපේ මතක ඇතුළෙ විතරයි.. සමහර අයව අපිට ළඟින් තියාගන්න බැරි වුණත්, එයාලා අපේ හිතට දුන්න හැඟීම් අමතක කරන්න බැහැ.. සමහර අය එක්ක ගෙවන්න හීන දැකපු අනාගතයක්, කවදාවත් සැබෑ නොවන හීනයක් විදිහට හිතේ කොනක තියාගන්න වෙනවා.. ඒත් ඒ හැමදේම අතරෙ අපි ඉගෙනගන්න ඕනෙ එක දෙයක් තියෙනවා.. කෙනෙක්ට ආදරේ කරන තරමටම තමන්ටත් ආදරේ කරන්න.. කෙනෙක් වෙනුවෙන් බලාගෙන ඉන්න තරමටම තමන්ගෙ ජීවිතය වෙනුවෙනුත් ජීවත් වෙන්න.. කෙනෙක්ව අමතක කරන්න බැරි වුණත්, ඒ මතක නිසා තමන්වම නැති කරගන්න එපා.. මොකද අපිට අහිමි වුණ හැම කෙනෙක්ම අපේ ජීවිතේ අවසානය නෙවෙයි.. සමහර අහිමිවීම් අපිට ජීවිතේ ගැන කියලා දෙන පාඩම්.. සමහර හමුවීම් අපේ හදවතේ ගැඹුර අපිටම පෙන්වන කැඩපත්.. සමහර ආදර කතා අපිට හිමි නොවුණත්, ඒවා අපිව වෙනස් කරනවා.. ඒ නිසා මම අදත් හිතනවා.. අයිතියක් නොසොයාම ආදරේ කරන්න පුළුවන්.. කෙනෙක්ගෙන් කිසිම දෙයක් බලාපොරොත්තු නොවී එයාට සුබ පතන්නත් පුළුවන්.. දුරින් ඉඳගෙන වුණත් කෙනෙක් ගැන අවංකව හිතන්න පුළුවන්.. හැබැයි ඒ ආදරේ නිසා තවත් කෙනෙක්ගෙ සතුට විනාශ නොවෙන්නත්, තමන්ගෙ ජීවිතයම වේදනාවකට කැප නොවෙන්නත් වගබලා ගන්න ඕනෙ. මොකද සැබෑ ආදරේ කියන්නෙ කෙනෙක්ව තමන්ගෙ කරගන්නම ඕනෙ කියන එක නෙවෙයි.. ඒ කෙනාගෙ සතුටට ගරු කරන්නත්, තමන්ගෙ හිතේ තියෙන හැඟීම්වලට අවංක වෙන්නත් පුළුවන් වීමයි. අන්තිමේදී.. අපිට හම්බවුණ හැම කෙනෙක්ම අපේ වෙන්නෙ නැහැ.. අපිට දැනුණ හැම ආදරයක්ම ජීවිත කාලෙම ළඟ තියාගන්න ලැබෙන්නෙත් නැහැ. ඒත් සමහර මිනිස්සු අපේ ජීවිතවලට ඇවිත් යන්නෙ, ආදරේ කියන හැඟීම කොච්චර ගැඹුරුද කියලා අපිට කියලා දෙන්න වෙන්න ඇති. ඉතින් කවදාහරි දවසක ආපස්සට හැරිලා බලද්දි.. ඒ මතක ගැන දුකක් තිබුණත්, තමන් කාටවත් වංචා නොකර, කාගෙවත් ජීවිතයක් හිතාමතාම නොබිඳ, තමන්ගෙ හැඟීම්වලට අවංකව ජීවත් වුණා කියන සැනසීම හිතේ ඉතුරු වෙන්න ඕනෙ.. මොකද.. වැරදි වෙලාවක හමුවුණ අවංක හිතක් වුණත්, ජීවිතේට අමතක කරන්න අමාරුම මතකයක් වෙන්න පුළුවන්.ඒත් අයිති නැති කෙනෙක්ට ආදරේ කරනවා කියලා, තමන්ට අයිති තමන්ගෙ ජීවිතය අහිමි කරගන්න එපා.🩶

ම'සිත 💫

Open In TikTok:

Region: LK

Monday 12 October 2026 16:06:36 GMT