@davell_x: داریوش گیان من وەک تۆ قەت لۆمەی خۆم ناکەم ، من ئەوەی لە توانامدا بوو تەنانەت زیاتر لە توانا و تاقەتی خۆم ئەنجامم دا. مرۆڤ کاتێک پەشیمان دەبێت و دڵی دەشکێت کە خەمسارد بووبێت، بەڵام کاتێک من جەنگاوم و لەسەر پێی خۆم وەستاوم و هەموو وزەی خۆمم بەخشیوە ئیتر شوێنێک نامێنێتەوە بۆ لۆمەکردنی خۆم. ژیان هەمیشە بەو شێوەیە ناڕوات کە ئێمە پلانی بۆ دادەنێین ، هەندێک جار ڕێگاکان دادەخرێن نەک لەبەر ئەوەی شایستە نیت بەڵکو لەبەر ئەوەی قەدەر شتێکی تری بۆ نوسیویت کە ئێستا حیكمەتەکەی نابینیت. ناكرێت بچم یەخەی قەدەر بگرم یان شەڕ لەگەڵ شتێک بکەم کە لە دەسەڵاتی منا نیە، چونکە من تەنها بەرپرسم لە هەوڵدان نەک لە ئەنجام. من ئەرکی سەرشانی خۆمم جێبەجێ کردووە، ویژدانم ئاسوودەیە و ئەوە گەورەترین سەرکەوتنە. سەرم بەرزە و شانازی بەو هەموو ماندووبوونەوە ئەکەم کە کێشاومە، ئەوەی پێویست بوو بكرێت کرا، دڵم ئارامە و هەموو شتێکم سپاردووە بە خوا و ئەزانم کە هیچ هەوڵدانێکم بەفیڕۆ ناڕوات، ئەگەر لێرەش بەرهەمەکەی نەبینم لە شوێنێکی تر و بە شێوازێکی تر کە چاوەڕێم نەکردووە دێتەوە ڕێگام ، چۆن خراپەکانم هاتوەتەوە ڕێم ئاواش باشیەکانم ڕۆژێک هەر دێنەوە، ئیتر لەچی بترسم و بۆچی بێتاقەت ببم ، من وەک تۆ نیم داریوش گیان #داریوش #داڤێڵ

داڤێڵ

Open In TikTok:

Region: IQ

Monday 12 October 2026 16:12:55 GMT