ခဏလောက် မင်းဘေးမှာ စိတ်အေးလက်အေး ပြိုလဲချင်တယ်။ အမြဲတမ်း အဆင်ပြေနေတဲ့သူလို ဟန်ဆောင်မနေချင်တော့ဘူး။ အားလုံးကို နားလည်ပေးနိုင်တဲ့သူဖြစ်ဖို့လည်း ခဏလောက် အနားယူချင်တယ်။ ပင်ပန်းလာတဲ့အခါ ပင်ပန်းတယ်လို့ ပြောခွင့်ရှိတဲ့နေရာ၊ မျက်ရည်ကျလာတဲ့အခါ အားတင်းပြီး ပြုံးမနေဘဲ လွတ်လွတ်လပ်လပ် ငိုချခွင့်ရှိတဲ့ ရင်ခွင်မျိုးပေါ့။ ဒါပေမဲ့ ကိုယ်ယုံကြည်ထားတာက ပြိုလဲခြင်းဟာ ရှုံးနိမ့်ခြင်း မဟုတ်ဘူး။ တစ်ခါတလေ ခဏနားလိုက်ခြင်းကလည်း ရှေ့ဆက်ဖို့အတွက် အားပြန်ဖြည့်နေခြင်းပါပဲ။ ကိုယ်လည်း လူသားတစ်ယောက်ပဲလေ။ ပင်ပန်းခွင့်ရှိတယ်၊ ငိုကြွေးခွင့်ရှိတယ်၊ အားနည်းတဲ့နေ့တွေကိုလည်း ပိုင်ဆိုင်ခွင့်ရှိတယ်။ အရေးကြီးတာက ဘယ်လောက်ပဲ ပင်ပန်းနေပါစေ ကိုယ့်ကိုယ်ကို လက်မလွှတ်ဖို့ပါပဲ။ ဒီနေ့ မပြုံးနိုင်သေးရင်လည်း ရပါတယ်။ ဒီနေ့ ခြေလှမ်းတွေ နှေးကွေးနေရင်လည်း ရပါတယ်။ မိုးအုံ့တဲ့နေ့တိုင်း မိုးရွာနေမှာ မဟုတ်သလို ကိုယ့်ဘဝမှာလည်း ဝမ်းနည်းခြင်းတွေက ထာဝရ နေထိုင်သွားမှာ မဟုတ်ပါဘူး။ တစ်နေ့နေ့မှာတော့ အခုလို မျက်ရည်ဝဲခဲ့ရတဲ့ နေ့ရက်တွေကို အပြုံးလေးနဲ့ ပြန်ကြည့်နိုင်လာမှာပါ။ အဲဒီအချိန်ကျရင် ကိုယ့်ကိုယ်ကို ဂုဏ်ယူလိုက်ပါနော်။ ဘာလို့လဲဆိုတော့ ဘဝက ဘယ်လောက်ပဲ ခက်ခဲနေပါစေ ကိုယ်ဟာ ကိုယ့်ကိုယ်ကို ပြန်ထူထောင်ပေးနိုင်ခဲ့တဲ့ လူတစ်ယောက် ဖြစ်လာခဲ့လို့ပါပဲ။🌻💛 - @angela.deih.lun