@uhondo.tv: Mwili wa Michael Andrea, mmoja wa askari Polisi waliofariki dunia katika ajali ya gari iliyotokea Oktoba 8, 2026, eneo la Magole, Wilaya ya Kilosa, Mkoa wa Morogoro, umeagwa nyumbani kwao katika Mtaa wa Railway, jijini Dodoma, kabla ya kuzikwa kwa heshima za kijeshi na kidini. Shughuli za kuaga mwili wa marehemu zimetawaliwa na majonzi na simanzi, huku wazazi, ndugu, jamaa na marafiki wa familia wakishindwa kuficha huzuni kufuatia kifo cha askari huyo aliyefariki akiwa na umri wa miaka 24. Katika sehemu ya mazishi hayo, risasi tano zilipigwa hewani ikiwa ni sehemu ya taratibu za heshima za kijeshi kwa marehemu. Michael Andrea amezikwa katika Makaburi ya Kilimo Kwanza jijini Dodoma, huku mazishi yake yakihitimisha safari ya maisha ya askari huyo aliyepoteza maisha katika ajali hiyo ya kusikitisha. #UhondoTVUPDATES

Uhondo TV

Open In TikTok:

Region: TZ

Monday 12 October 2026 18:46:10 GMT