@private.account.512: caption 🫠 💔 دل هڪ پل لاءِ به کيس اجنبي مڃڻ لاءِ تيار نه هئي ،ائين محسوس ٿيو، ڄڻ مان کيس اڄ پهريون ڀيرو نه، پر صدين کان سڃاڻندو هجان؛ ڄڻ سندس نالو منهنجي دل جي ڪنهن پراڻي ڪتاب جي ورقن تي اڳ ئي لکيل هجي، رڳو وقت اچي اهو ورق کوليو هجي ،هوءَ سامهون آئي ته منهنجي اندر ڪيئي خاموش موسمون هڪ ئي وقت جاڳي پيون سندس چهري تي نظر پئي ته دل چيو ”هيءَ ته اها ئي آهي، جنھن جو مان انتظار ڪري رھيو ھُئس، عجيب ڳالهه هئي، مان سالن کان ڪنهن جي انتظار ۾ هئس، پر مون کي خبر نه هئي ته انتظار ڪنهن جو آهي. ڪڏهن شام جي اڪيلائيءَ ۾، ڪڏهن رات جي خاموشيءَ ۾، ڪڏهن چنڊ کي ڏسندي دل ۾ هڪ اڻڄاتل چهرو اڀرندو هو. شايد اِهو ئي چهرو هو، هوءَ ويجهو آئي ته وقت پنهنجي رفتار وساري ويٺو. چوڌاري حسين خوبصورت ماڻهو هئا ، ساز موسيقي جا سڀئي حسين رنگ هئا، دنياوي انيڪ خوشيون ھيون، پر منهنجي لاءِ ان لمحي منھنجي پوري دنيا رڳو سندس اکين تائين محدود ٿي وئي، چيومانس، توکي ڏسي ائين ڇو ٿو لڳي، ڄڻ مان صدين کان تنهنجو انتظار ئي ڪري رهيو هئس؟مُرڪندي چيائين، شايد ڪجهه ملاقاتون وقت کان اڳ دل ۾ پنھنجا عڪس ٺاھي وٺنديون آھن،سندس اها ڳالهه ٻڌي مون کي يقين ٿي ويو ته محبت شايد ملاقات کان گهڻو اڳ شروع ٿي ويندي آهي ،ماڻهو پهرين دل ۾ اچي ٿو، پوءِ زندگيءَ ۾، هوءَ ڳالهائيندي رهي ۽ مان سندس لفظن کان وڌيڪ سندس لهجي کي ٻڌندو رهيس. سندس هر ڳالهه ۾ اهڙي پنهنجائپ هئي، ڄڻ ڪنهن ڊگهي وڇوڙي کان پوءِ پنهنجو محبوب واپس مليو هجي هن جي مرڪ ۾ اهڙو سڪون هو، جيڪو مون ڪيترين ئي راتين جي خاموشيءَ ۾ ڳوليو هو، ان ڏينهن مون محسوس ڪيو ته انتظار هميشه ڪنهن ڄاتل ماڻهوءَ جو ناھي هوندو ڪڏهن دل ڪنهن اهڙي شخص لاءِ به جاءِ خالي رکندي آهي، جنهن سان ڪڏهن ملاقات ئي نه ٿي ھُجي،۽ جڏهن هوءَ مِلي، ته مون کي ائين لڳو ڄڻ منهنجي اندر جو اهو خالي ڪمرو اوچتو روشن ٿي ويو هجي هوءَ پهرين ملاقات ۾ ئي منهنجي لاءِ اجنبي نه رهي، هوءَ اُن پراڻي دعا وانگر لڳي، جنهن جو مطلب ته وسري ويو هجي، پر قبول ٿيڻ جو احساس دل کي ياد هجي، شايد ان ڪري سندس وڃڻ کان پوءِ به مون کي ائين محسوس ٿيندو رهيو آھي ته هوءَ مون کان پري ناهي وئي؛ رڳو منهنجي نظرن کان اوجهل ٿي آهي. ڇو ته ڪجهه ماڻهو ملاقات کان پوءِ دل ۾ نه ايندا آهن، اهي ته اڳ ئي دل ۾ هوندا آهن، ملاقات رڳو انهن کي سڃاڻڻ جو نالو هوندو آهي!! #fyp #foryou #Foryou