@pari_naz21: من ئەو کەسەم کە زۆر شتم بینی، زۆر جار شکام، بەڵام کەس نەیزانی، زۆر جار پێکەنیم، بەڵام دڵم پڕ بوو لە ئازار، زۆر جار وتم «باشم»، لە کاتێکدا لە ناخمەوە ماندوو بووم. من ئەو کەسەم کە بە دڵێکی پاک خۆشەویستیم کرد، بەڵام لە جیاتی وەفاداری، خیانەتم بینی، متمانەم بە کەسانێک کرد کە شایستەی نەبوون، دڵم بەوانە سپارد کە بە ئاسانی شکان. ئێستا من ئەو کەسە نیم کە پێشتر بووم… ئێستا زۆر بێتاقەتم، نەک لەبەر ئەوەی دڵم مردووە، بەڵکوو لەبەر ئەوەی زۆر جار بە دڵێکی زیندوو ئازارم چەشتووە. ئێستا زۆر سارد و بێ‌بەزەیی دیارم، قسەی کەم دەکەم، پێکەنینی کەمتر، نەک چونکە هیچ هەستم نییە، بەڵکوو چونکە فێر بووم هەموو هەستێک نابێت بۆ هەموو کەسێک ئاشکرا بکرێت. ئیتر بڕوام بە کەس نییە… قسەی جوان بە ئاسانی باوەڕپێکراو نییە، بەڵێنی هەمیشەیی دڵنیایی نییە، و خۆشەویستییەک کە بە وشە دەست پێ دەکات، هەمیشە بە وەفاداری کۆتایی نایەت. من ئیتر بە هەر پێکەنینێک دڵم ناخۆشم، بە هەر نزیکبوونەوەیەک متمانە ناکەم، بە هەر کەسێک نهێنییەکانم ناڵێم، چونکە فێر بووم هەموو کەسێک کە دەڵێت «لەگەڵتم»، لە ڕۆژی تەنگانەدا لە تەنیشتت نامێنێتەوە. بێ‌شانسم لە خۆشەویستیدا، لە متمانەدا، لە هەندێک خەوندا، هەر جارێک ویستم شتێکی جوان دروست بکەم، ژیان بە شێوەیەک تاقی کردمەوە کە خۆمیش لە خۆم نامۆ بووم. ئێستا حەزم لە بێدەنگییە، لە دوورکەوتنەوەیە، لەوەی کەس نەزانێت لە ناخمدا چی ڕوودەدات، چونکە هەموو کەسێک شایستەی ئەوە نییە بزانێت دڵت چەند جار شکاوە. من گۆڕاوم… ئەو کەسەی پێشتر زوو دڵی دەبەست، ئێستا بە دوورییەوە سەیری هەموو شتێک دەکات. ئەو کەسەی پێشتر زوو باوەڕی دەکرد، ئێستا هەزار جار بیر دەکاتەوە. ئەو کەسەی پێشتر لەبەر خۆشەویستی خۆی لەبیر دەکرد، ئێستا فێر بووە خۆی لە هیچ کەسێک کەمتر نەزانێت. #foryoupagе #viral #foryouu #actives? #fyp

پــــەریـــنـــاز

Open In TikTok:

Region: IQ

Monday 12 October 2026 20:58:44 GMT