Бүгін Арыс ауылдық округіне барып, тұрғындармен кездестік. Ауыл әкімі жыл басынан бері атқарылған жұмыстарды баяндап, одан кейін тұрғындардың өтініштері мен ұсыныстарын тыңдадық. Ауылдық округте биыл бірқатар жұмыс атқарылды. Атап айтар болсақ, Т. Рүстемов көшесінің 2 шақырым бөлігіне 68 жарық шамы орнатылып, С. Юсупалиев және М. Анартаев көшелерінің жалпы ұзындығы 1,6 шақырым бөлігіне ағымдағы жөндеу жүргізілді. Атамекен көшесінде тұрғындардың жүріп-тұруына арналған 1,5 шақырым аяқжол салынып, пайдалануға берілді. Ж. Меңлібаев көшесінде балалар ойын алаңшасы мен спорт алаңы орнатылды. Енді балалардың үй маңында ойнап, жастардың спортпен айналысуына мүмкіндік бар. С. Юлдашев және Ю. Балтабаев көшелерінің қиылысында да балалар ойын алаңшасының құрылысы жалғасуда. Ауыл аумағын абаттандыру аясында Арыс көпірі маңындағы бұлақ көзі ашылып, айналасы ретке келтірілді. Сонымен қатар, Ш. Артиков көшесіне тас төселіп, асфальттауға дайындық жасалды. Асфальт төсеуді қазан айының соңында бастау жоспарланып отыр. Кездесуде тұрғындармен келер жылдың жоспарын талқылап, көтерілген мәселелер бойынша нақты жауап берілді. Әлі де шешімін күткен сұрақтар бар. Солардың әрқайсысын қарастырып, нақты ұсыныс енгізуді тиісті бөлім басшыларына тапсырдым. - @madiyar_orazaliev