@dhahabuonlinetv: Mkuu wa Wilaya ya Mbeya, Solomoni Itunda, amewaonya wakazi wa jiji hilo dhidi ya tabia ya kutema mate ovyo katika maeneo ya umma, akisisitiza kuwa watakaobainika kufanya hivyo watatozwa faini ya shilingi 200,000. Itunda amesema hatua hiyo inalenga kuimarisha usafi wa mazingira na kulinda afya za wananchi, huku akiwataka wakazi wa Mbeya kuzingatia kanuni za usafi na kuepuka vitendo vinavyoweza kuhatarisha afya za wengine. Ameongeza kuwa mamlaka husika zitafuatilia utekelezaji wa agizo hilo na kuhakikisha wanaokiuka wanachukuliwa hatua kwa mujibu wa taratibu zilizowekwa. #dhahabuupdates #dhahabuonlinetv