@shihab.aps.shihab: 'ജയിലർ' എന്ന മലയാള സിനിമയുടെ ചിത്രീകരണം കഴിഞ്ഞ് കൊച്ചിയിലെത്തിയപ്പോഴായിരുന്നു അപകടം. കാറിടിച്ചോ ലോറി തട്ടിയോ ഉണ്ടായതല്ല. നെട്ടൂരിലെ റെയിൽവേ ഗേറ്റിന്റെ പടിയിൽ തട്ടി വീണു. വീഴ്ച ചെറുതായിരുന്നെങ്കിലും നട്ടെല്ലിന് പരിക്കേറ്റു. ശസ്ത്രക്രിയ വേണ്ടിവന്നു. പിന്നീട് കുറച്ചുദിവസം കിടപ്പിലായി. എഴുന്നേൽക്കാൻ പോലും കഴിയാത്ത അവസ്ഥ. ജീവിതം തീർന്നുപോയെന്ന് തോന്നിയ നിമിഷങ്ങൾ..... 🙏 ഇനി എങ്ങനെ നടക്കുമെന്നതിലുപരി, നാടകത്തിനും മൈമിനുമൊക്കെ പോകാൻ കഴിയുമോ, വീണ്ടും അഭിനയിക്കാനാകുമോ എന്നതായിരുന്നു ഉണ്ണിരാജിനെ അലട്ടിയത്. കലയായിരുന്നു അദ്ദേഹത്തിന്റെ ജീവിതം. അതിൽനിന്ന് അകന്നുപോകേണ്ടിവരുമോ എന്ന ചിന്ത വലിയ വേദനയായി. ഭാഗ്യത്തിന് ആരോഗ്യനില മെച്ചപ്പെട്ടു. ഒരു മാസം കൊണ്ടുതന്നെ നടക്കാൻ കഴിഞ്ഞു. ആ വീഴ്ച ജീവിതത്തെക്കുറിച്ച് വലിയൊരു തിരിച്ചറിവാണ് നൽകിയതെന്ന് ഉണ്ണിരാജ് പറയുന്നു. മറിമായത്തിലെത്തിയിട്ട് ഇപ്പോൾ ഒമ്പത് വർഷമായി. മനോരമയിലെ സുഹൃത്ത് പ്രദീപാണ് ഉണ്ണിരാജിനെ മറിമായത്തിലേക്ക് വിളിച്ചത്. ചെറിയൊരു വേഷം ചെയ്യാനെത്തിയ അദ്ദേഹം പിന്നീട് പരിപാടിയുടെ സ്ഥിരം സാന്നിധ്യമായി മാറി..... 🥰 കാസർഗോഡൻ ഭാഷയ്ക്ക് മലയാളികൾക്കിടയിൽ ഇത്രയേറെ സ്വീകാര്യത ലഭിക്കുന്നതിൽ മറിമായത്തിന് വലിയ പങ്കുണ്ടെന്നാണ് ഉണ്ണിരാജിന്റെ അഭിപ്രായം. ലോകമലയാളികൾക്കുമുന്നിൽ ആ ഭാഷാശൈലി രസകരമായി അവതരിപ്പിക്കപ്പെട്ടത് ഒരുപക്ഷേ മറിമായത്തിലൂടെയായിരിക്കും. പിന്നീട് കാസർഗോഡൻ ഭാഷയിൽ സിനിമകൾ വന്നപ്പോഴും അവയ്ക്ക് വലിയ പ്രചാരം ലഭിച്ചു.... ❤️ ഒരുകാലത്ത് സ്വന്തം ഭാഷ സംസാരിക്കുമ്പോൾ പലരും കളിയാക്കുമായിരുന്നു. പറയുന്നത് മനസ്സിലാകുന്നില്ലെന്നായിരുന്നു പരാതി. എന്നാൽ ഇന്ന് ആ ഭാഷ കേൾക്കാൻ ആളുകൾക്ക് ഇഷ്ടമാണ്. കാസർഗോഡൻ ഭാഷയ്ക്ക് ഈ സ്വീകാര്യത ലഭിക്കുന്നതിൽ തനിക്കും ഒരു പങ്കുണ്ടെന്നത് ഉണ്ണിരാജിന് സന്തോഷവും അഭിമാനവുമാണ്..... 🥰 സിനിമയിലേക്കുള്ള വരവും അപ്രതീക്ഷിതമായിരുന്നു. രഞ്ജിത് സംവിധാനം ചെയ്ത 'ഞാൻ' എന്ന സിനിമയിലൂടെയാണ് ആദ്യമായി സ്ക്രീനിലെത്തിയത്. കുറച്ച് നാടകപ്രവർത്തകരെ സിനിമയിൽ അഭിനയിപ്പിക്കാൻ വേണ്ടിയുള്ള ശ്രമത്തിന്റെ ഭാഗമായി സഹായിക്കാൻ പോയതായിരുന്നു. അങ്ങനെ ആ സിനിമയിൽ മുഖം കാണിച്ചു. വലിയ ശ്രദ്ധ നേടിയ വേഷമായിരുന്നില്ല അത്. എന്നാൽ ദിലീഷ് പോത്തന്റെ 'തൊണ്ടിമുതലും ദൃക്സാക്ഷിയും' എന്ന സിനിമയിലെ കഥാപാത്രം ഉണ്ണിരാജിന് പ്രേക്ഷകശ്രദ്ധ നേടിക്കൊടുത്തു. "സർ, ഞാൻ കവിയാണ്, രാജേഷ് അമ്പലത്തറ" എന്ന ഡയലോഗ് പ്രേക്ഷകർ ഏറ്റെടുത്തു. ആ കഥാപാത്രത്തിന് ലഭിച്ച സ്വീകാര്യത സിനിമയിൽ കൂടുതൽ അവസരങ്ങൾ തേടാനുള്ള ആത്മവിശ്വാസം നൽകി..... 🥰 പിന്നീട് 'ആൻഡ്രോയ്ഡ് കുഞ്ഞപ്പൻ', 'അരവിന്ദന്റെ അതിഥികൾ', ''ഓപ്പറേഷൻ ജാവ' തുടങ്ങി നിരവധി സിനിമകളിൽ അഭിനയിക്കാൻ കഴിഞ്ഞു... 🔥 ഉണ്ണി രാജൻ എന്നാണ് യഥാർഥ പേര്. 'അരവിന്ദന്റെ അതിഥികൾ' എന്ന സിനിമയിൽ മോഹൻ സർ പേരിൽ ചെറിയൊരു മാറ്റം വരുത്തി 'ഉണ്ണിരാജ' എന്നാക്കി. അങ്ങനെയാണ് ഉണ്ണിരാജ് എന്ന പേര് പ്രചാരത്തിലായത്...😊 മറിമായത്തിലെത്തിയപ്പോൾ ഉണ്ണിയായി. പേരുകൾ പലതുണ്ടെങ്കിലും അച്ഛൻ കണ്ണൻ ഇട്ട ഉണ്ണി രാജൻ എന്ന പേരിനോടാണ് പ്രത്യേക അടുപ്പം. അച്ഛൻ കണ്ണനും അമ്മയും കൃഷിപ്പണി ചെയ്താണ് മൂന്ന് മക്കളെ വളർത്തിയത്. കഷ്ടപ്പാടുകൾ നിറഞ്ഞ ആ കാലത്തെക്കുറിച്ച് പറയുമ്പോഴും ഉണ്ണിരാജിന് പരാതികളില്ല. അന്നത്തെ സാഹചര്യങ്ങൾ ജീവിതത്തിന്റെ ഭാഗമായിരുന്നു എന്ന മട്ടിലാണ് അദ്ദേഹം അതിനെ ഓർക്കുന്നത്...... ❤️ ചെറുവത്തൂരിലെ വീട്ടിനു മുന്നിലുള്ള സ്റ്റേജിൽ നാടകങ്ങൾ കണ്ടുവളർന്ന കുട്ടിയാണ് ഉണ്ണിരാജ്. ചെറുപ്പം മുതലേ നാടകത്തോട് വല്ലാത്ത ഇഷ്ടമായിരുന്നു. സ്കൂളിൽ പഠിക്കുമ്പോൾ കലോത്സവത്തിൽ നാടകത്തിൽ മത്സരിക്കണമെന്ന് ആഗ്രഹിച്ചെങ്കിലും സാമ്പത്തിക ബുദ്ധിമുട്ടുകൾ പലപ്പോഴും അതിന് തടസ്സമായി... 🙏 പതിനേഴോ പതിനെട്ടോ വയസ്സുള്ളപ്പോൾ അടുത്തുള്ള സ്കൂളിൽ ഒരു ചെറിയ പരിപാടിക്ക് നാടകം പഠിപ്പിക്കാൻ പോയതാണ് തുടക്കം. പിന്നീട് സംസ്ഥാന സ്കൂൾ യുവജനോത്സവത്തിൽ സമ്മാനം നേടി. നാടകപരിശീലനവുമായി സഞ്ചരിക്കാത്ത ജില്ലകൾ കേരളത്തിൽ ഇല്ലെന്നുതന്നെ പറയാം. 28 വർഷത്തോളം യുവജനോത്സവങ്ങളുടെ പിന്നാലെയായിരുന്നു ജീവിതം. നാടകത്തിനൊപ്പം മൂകാഭിനയത്തിലും സജീവമായി. മൈം പരിശീലിപ്പിച്ചുതുടങ്ങിയ കാലത്ത് ഗൂഗിളോ യൂട്യൂബോ ഇന്നത്തെപ്പോലെ പ്രചാരത്തിലില്ല. പ്രത്യേക പരിശീലനമോ വ്യക്തമായ ധാരണയോ ഇല്ലാതെയാണ് ഈ രംഗത്തേക്ക് ഇറങ്ങിയത്. എന്നാൽ അവതരിപ്പിച്ച മൈമുകൾ പലതും ശ്രദ്ധിക്കപ്പെട്ടു. ... 😍 വടക്കൻ കേരളത്തിന് സ്വന്തമായൊരു മൈം ശൈലി രൂപപ്പെടുത്താൻ കഴിഞ്ഞു. വ്യത്യസ്തമായ പ്രമേയങ്ങൾ അവതരിപ്പിക്കുകയും യുവജനോത്സവങ്ങളിൽ സമ്മാനങ്ങൾ നേടുകയും ചെയ്തു. തെയ്യം രൂപത്തെ മൈമിൽ ആദ്യമായി അവതരിപ്പിച്ചത് തന്റെ സംഘമായിരുന്നുവെന്നും ഉണ്ണിരാജ് ഓർക്കുന്നു.... ❤️ അറിവുകൾ നല്ലതാണ് എപ്പോഴും ഫോളോ ചെയ്യുക കൂടുതൽ അറിവുകൾക്കായി ലൈക്ക് ചെയ്യുക പ്ലീസ് നിങ്ങളുടെ സപ്പോർട്ട് ആണ് എൻറെ വിജയം
