‎"အာရမ္ဘထ နိက္ကမထ၊ ‎ယုဉ္စထ ဗုဒ္ဓသာသနေ။ ‎‎ဓုနာထ မစ္စုနော သေနံ၊ ‎‎နဠာဂါရံဝ ကုဉ္စရော။ ‎ ‎ယော ဣမသ္မိံ ဓမ္မဝိနယေ၊ ‎‎အပ္ပမတ္တော ဝိဟေဿတိ။ ‎‎ပဟာယ ဇာတိသံသာရံ၊ ‎‎ဒုက္ခဿန္တံ ကရိဿတိ။" ‎ ‎(သံ၊ ၁၊ ၁၅၈) ‎ ‎အာရမ္ဘထ-ကိလေသာမှ ထွက်မြောက်ရအောင် စတင် အားထုတ်ကြပါကုန်လော။ နိက္ကမထ-အပျင်းဘက်မှ နင်းထွက် လွတ်မြောက်အောင် ကြိုးစားကြပါကုန်လော။ ယုဉ္ဇထ-နောက်ဆုံးပန်းတိုင် လှမ်းကိုင်နိုင်ဖို့ရာ ကြိုးစားအားထုတ်ကြပါကုန်လော့။ ဗုဒ္ဓသာသနေ-ဘုရားရှင် ကိုယ်တော်မြတ်၏ သာသနာတော်မြတ်၌၊ အာရမ္ဘထ-စတင်ကြိုးစား အားထုတ်ကြပါကုန်လော့။ နိက္ကမထ-အပျင်းဘက်မှနင်းထွက် လွတ်မြောက်အောင် ကြိုးစားကြပါကုန်လော့။ ယုဉ္ဇယ-နောက်ဆုံးပန်းတိုင် လှမ်းကိုင်နိုင်ကြောင်း၊ ကောင်းကောင်းကြီး ကြိုးစားအားထုတ်ကြပါ ကုန်လော့။ ကုဉ္ဇရော-အားအင်များမြောင်တဲ့ ဆင်ပြောင်ကြီးသည်။ နဠာဂါရံ-ကျူးရိုးဖြင့်လုပ် တဲအိမ်ကုတ်ကို။ ဓုနာတိ ဣဝစ-မှုန့် မှုန့်ညက်ညက်ကြေအောင် ဖျက်ဆီးဘိသကဲ့သို့။ မစ္စုနော-သုံးဆယ့်တစ်နိုင်ငံ ပိုင်စံစိုးနင်း ရှင်သေမင်း၏။ သေနံ-အရတိကာမစသည်များလတ် စစ်တပ်ကြီးကို။ ယုဉ္ဇထ-တရားလက်နက်ဖြင့် အပျက်ကြီးပျက်အောင် ဖျက်ဆီးကြပါကုန်လော့။ ‎ ‎ယော-မည်သူမဆို အကြင်ပုဂ္ဂိုလ်သည်။ အပ္ပမတ္တော-ပမာဒတရား ပယ်ရှားပြီးလျှင် မမေ့မလျော့ မပေါ့မဆ သတိပဋ္ဌာန်ဆိုတဲ့တရား လက်ကိုင်ထားသည် ဖြစ်၍။ ဝိဟေဿတိ-ကောင်းစွာမသွေ နေခဲ့သည် ဖြစ်ပေအံ့။ သော - ထို သတိပဋ္ဌာန်တရား လက်ကိုင်ထား၍ မမေ့မလျော့ မပေါ့မဆ နေခဲ့သော ပုဂ္ဂိုလ်သည်။ ယော-မည်သူမဆို အကြင်ပုဂ္ဂိုလ်သည်။ ဣမသ္မိံ ဓမ္မဝိနယေ- ဤ တရားသဖြင့် ဆုံးမရာ ဘုရားရှင် ကိုယ်တော်မြတ်ကြီး၏ သာသနာတော်၌။ အပ္ပမတ္တော-မမေ့မလျော့ မပေါ့မဆသည်ဖြစ်၍။ ဝိဟေဿတိ-ကောင်းစွာနေသည် ဖြစ်ခဲ့အံ့။ သော-ထို သတိပဋ္ဌာန်တရား လက်ကိုင်ထား၍ မမေ့မလျော့ မပေါ့မဆ ဤ သာသနာတော်ကြီးမှာ နေခဲ့သော ပုဂ္ဂိုလ်သည်။ ဇာတိသံသာရံ-ထပ်တလဲလဲ ပဋိသန္ဓေ နေရတဲ့ ဇာတိတည်းဟူသော သံသရာ စက်ဝိုင်းကြီးကို။ ပဟာယ-ကောင်းစွာ ဖျက်ဆီး၍ ‎ပယ်စွန့်၍။ ဒုက္ခဿ-အမြဲတမ်း ကြုံရမယ့် ဝဋ်ဆင်းရဲ ဒုက္ခ၏။ အန္တံ-အဆုံးသတ်ရာဖြစ်သော နောက်ဆုံးပန်းတိုင်ဟု ဆိုရတဲ့ အရဟတ္တမဂ် အရဟတ္တဖိုလ် နိဗ္ဗာန်ကို။ ကရိဿံတိ- ကောင်းစွာမသွေ ပြုနိုင်ပါပေ လတ္တံ့တည်း။ ‎ #သပြေကန်ဆရာတော် #နိဗ္ဗာန်ချမ်းသာတရားတော်များ #fyp #သာသနာ့ဝန်ထမ်းရှင်ရဟန်း✨ - @uthi581