@lqe2parti: شەقامێکی هەولێری پایتەخت بەناوی پڕۆفیسۆر د.ئیحسان دۆغرەمەچی ناونرا… ئێواره‌ی ئه‌مرۆ دووشەممە 12ـی ئۆکتۆبەری 2026, بە ئامادەبوونی بەڕێزان د. پشتیوان سادق ئەندامی مەکتەبی سیاسی و ئەحمەد کانی بەرپرسی بەشی دیراسات و د.زانا مەلاخالید بەرپرسی لقی دووی پارتی دیموکراتی کوردستان و ئومێد خۆشناو پارێزگای هه‌ولێر، ئایدن مەعروف وەزیری هەرێم و جێگری باڵیۆزی تورکیا و خانەوادەیی خوالێخۆشبوو، مەراسیمی ناونانی شەقامێک لە شاری هەولێر، بە ناوی پڕۆفیسۆر دکتۆر ئیحسان دۆغرەمەچی، کەسایەتی ناوداری ئەکادیمی و پزیشکی و کۆمەڵایەتی، بەڕێوەچوو. لەمەراسیمەکەدا پەردە لەسەر تابلۆی شەقامەکە لادراو چەندین وتار دەربارەی پێگەی ئەکادیمی و زانستی و کۆمەڵایەتی پڕۆفیسۆر پێشکەش کران. ناونانی ئەو شەقامە بەناوی پڕۆفیسۆر د.ئیحسان دۆغرەمەچی دەربڕینی وەفاداریە بۆ بەخشش و خزمەتەکانی ئەو زانایەیە و بەزیندویی هێشتنەوەی ناویەتی لەهەولێری پایتەختی ئارامی و ئاوەدانی و بەیەکەوەژیان. پڕۆفیسۆر دکتۆر ئیحسان دۆغرەمەچی، یەکێکە لە کەسایەتییە ناودارەکانی شاری هەولێر و لە ئاستی هەرێمیشدا بە خزمەتە زانستی و پزیشکییەکانی ناسراوە و خزمەتی زۆری لەبواری ئەکادیمی و زانستی و کۆمەڵایەتیدا کردوە.

339

2026-10-13 09:12:32

2026-10-13 10:30:01

To see more videos from user @lqe2parti, please go to the Tikwm homepage.