@muaz_jemal: “እግረኛዉ” ሆይ ቀጥል መንገድህን አንተ ራስህን አልናቅህም፣ ለሰዎች ንቀት አልተሸነፍክም፣ ለራስህ ያለህን ክብር አልጣልህም፣ የሌሎችን ፍርድ መለኪያህ አላረክም። እኔን ለማድነቅ አልፈራህም፣ ራስህን ከእኔ በታች አላየህም። ሰው ከሰው እኩል መሆኑን፣ በአደባባይ አስተማርከን፣ ተራማጅ ሀሳብህን አሳየኸን። እኔ ከአንተ በላይ አይደለሁም፣ አንተን ከእኔ በታች አላይህም፣ እፁብ ድንቅ ሆነህ ተፈጥረሀል ባምላክ ሚዛን፣ እጅግ ከብረኽ ተገኝተኻል። እፁብ ድንቅ ሆነህ ተፈጥረሃል፣ በፈጣሪህ እጅ በክብር ተሠርተሃል፣ የሰው አንደበት ዋጋህን አይወስንም፣ የሰው ንቀት ክብርህን አያጎልም። እናም እግረኛው፣ በቁመት እንጅ በሀሳብ ያልበለጡህ፣ ሳቄ መጣ ፣እያየሗቸዉ ሲያሾፉብህ፣ የሰዉ ልኩ ስብዕና ፣መሆኑን ሰበካቸዉ የሚስቁብህን ፣አስመዝነህ አቀለልካቸዉ፣ ሞልተዉ የለ በሀገሩ ፣አዕምሮአቸዉ የሚያነክስ፣ ሲያዩአቸዉ መልአክ መሳይ፣ ጠጋ ሲሉ ዉስጡን ለቄስ። እግረኛው ሆይ፣ ቀጥል ጉዞህን፣ በእውቀት አብራ የሕይወት መንገድህን፣ እግር እንዴት እንደሚራመድ ሳይሆን፣ ይመልከቱ ተራማጁን ሀሳብህን። #muaz