@soemin.ksm: ယီမင်ဟူသီများကို တိုက်ခိုက်ရန် ဆော်ဒီ၏ ခွင့်ပြုချက်ရရှိရန် အမေရိကန်မှတစ်ဆင့် အစ္စရေးဝန်ကြီးချုပ် နေတန်ယာဟု ကြိုးပမ်းနေ ယီမင်နိုင်ငံရှိ အီရန်ကျောထောက်နောက်ခံပြု ဟူသီအဖွဲ့များအပေါ် အစ္စရေးနိုင်ငံအနေဖြင့် စစ်ရေးအရ ဝင်ရောက် တိုက်ခိုက်ခွင့်ပြုရန်အတွက် အမေရိကန် စေ့စပ်ညှိနှိုင်းရေးမှူးများမှတစ်ဆင့် ဆော်ဒီအာရေဗျနိုင်ငံ၏ ခွင့်ပြုချက်ကို ဝန်ကြီးချုပ် ဗင်ဂျမင် နေတန်ယာဟု (Benjamin Netanyahu)က အပြင်းအထန် ကြိုးပမ်းလျက်ရှိကြောင်း သတင်းများ ထွက်ပေါ်လာသည်။ Haaretz သတင်းဌာန၏ ဖော်ပြချက်အရ အစ္စရေး၏ အဓိက ရည်ရွယ်ချက်မှာ ဆော်ဒီအာရေဗျနှင့် လက်တွဲပူးပေါင်းကာ နှစ်နိုင်ငံ ဆက်ဆံရေးကို ပိုမိုတိုးမြှင့်သွားရန်နှင့် နောင်တစ်ချိန်တွင် သံတမန်ရေးရာ ပုံမှန်ဆက်ဆံရေး ထူထောင်နိုင်ရေးအတွက် လမ်းခင်းပေးရန် ဖြစ်သည်ဟု ဆိုသည်။ သို့သော်လည်း ဆော်ဒီအိမ်ရှေ့စံ မိုဟာမက်ဘင်ဆယ်မန် (MBS) ဘက်ကမူ အစ္စရေး၏ စစ်ရေးဝင်ရောက်စွက်ဖက်မှုကို ခွင့်ပြုပေးရန်အတွက် တွန့်ဆုတ်လျက်ရှိနေပြီး ယင်းကဲ့သို့ လုပ်ဆောင်ခြင်းသည် နိုင်ငံအတွင်းရှိ ပြည်သူ့သဘောထား (Public Opinion) အပေါ် ဆိုးကျိုးသက်ရောက်မှုများ ရှိလာနိုင်ူသည်ဟု စိုးရိမ်ပူပန်နေကြောင်း သိရသည်။ ဆော်ဒီဝန်ကြီးချုပ် တာဝန်ကိုပါ တစ်ပါတည်း ထမ်းဆောင်နေသည့် အိမ်ရှေ့စံ၏ တရားဝင်ခွင့်ပြုချက် မပါရှိဘဲနှင့် အစ္စရေးအနေဖြင့် ယီမင် ပဋိပက္ခအတွင်းသို့ ဝင်ရောက်လာရန် အလွန်ပင် ခက်ခဲမည်ဖြစ်သည်။ ဝန်ကြီးချုပ် နေတန်ယာဟုအနေဖြင့် ဆော်ဒီအာရေဗျနိုင်ငံနှင့် သံတမန်ရေးရာ ဆက်ဆံရေး ပုံမှန်ဖြစ်လာစေရန် အမြဲတမ်း ကြိုးပမ်းအားထုတ်ခဲ့ဖူးပြီး ပြီးခဲ့သည့် အောက်တိုဘာ ၇ ရက်နေ့က ဖြစ်ပွားခဲ့သော တိုက်ခိုက်မှုများသည်ပင်လျှင် ဆော်ဒီနှင့် ဆက်ဆံရေး ပုံမှန်ဖြစ်လာမည့် အစီအစဉ်များကို ဖြိုခွဲရန် ဟားမတ်စ်တို့၏ ကြိုးပမ်းမှုတစ်ခု ဖြစ်သည်ဟု ယူဆထားကြသည်။ သို့သော်လည်း ဆော်ဒီအာရေဗျဘက်ကမူ ပါလက်စတိုင်းနိုင်ငံ တည်ထောင်ရေး အပြီးတိုင် ပေါ်ပေါက်လာမှသာ အစ္စရေးနှင့် သံတမန်ဆက်ဆံရေး ပုံမှန်ဖြစ်လာမည်ဖြစ်ကြောင်း တရားဝင် ရပ်တည်ချက်ကို အခိုင်အမာ ထပ်လောင်းပြောဆိုထားပြီး နေတန်ယာဟုကမူ လတ်တလော ရွေးကောက်ပွဲ ကာလအတွင်း ပါလက်စတိုင်းနိုင်ငံ ဖြစ်ပေါ်လာရေးကို တားဆီးသွားမည်ဖြစ်ကြောင်း ကတိကဝတ် ပြုထားခဲ့သည်။ #fyp

9522

270

2026-10-13 17:24:03

2026-10-13 10:38:30

2026-10-13 14:26:31

To see more videos from user @soemin.ksm, please go to the Tikwm homepage.