@sindh_info_department: وزیراعلیٰ سندھ سید مراد علی شاہ نے اعلی سطحی وفد کے ہمراہ ووہان چین میں چنگفا ہیشینگ ایگریکلچر ڈویلپمنٹ کمپنی کے حکام سے ملاقات کی، جوفد س میں وزیراعلیٰ سندھ کے وفد میں صوبائی وزراء شرجیل میمن، جام خان شورو، محمد بخش مہر، پرنسپل سیکریٹری آغا واصف، چیئرمین پی اینڈ ڈی نجم شاہ سمیت دیگر اعلیٰ حکام بھی موجود تھے۔ وزیراعلیٰ سندھ نے چینی کمپنی کو سندھ میں زرعی تعاون بڑھانے کی دعوت دیتے ہوئے جدید بیج تیار کرنے والی کمپنی کے ساتھ تعاون کو فروغ دینے پر تبادلۂ خیال کیا اور سندھ میں موسمیاتی تبدیلیوں کا مقابلہ کرنے والی فصلوں کی اقسام تیار کرنے پر زور دیا۔ انہوں نے کہا کہ سندھ حکومت جدید زرعی ٹیکنالوجی اور معیاری بیجوں کی پیداوار کو فروغ دینا چاہتی ہے، جبکہ موسمیاتی تبدیلیوں سے ہم آہنگ فصلوں کی اقسام تیار کرنے کے لیے چینی کمپنی کے ساتھ تعاون کی پیشکش بھی کی۔ وزیراعلیٰ سندھ نے چینی کمپنی کو ٹیکنالوجی کی منتقلی، بیجوں کی جانچ اور ہاریوں کی تربیت کے شعبوں میں تعاون کی دعوت دی۔ اس موقع پر چینی کمپنی کی ہائبرڈ چاول اور ریپ سیڈ کے شعبے میں مہارت کے حوالے سے وزیراعلیٰ سندھ کو بریفنگ دی گئی۔ حکام نے بتایا کہ کمپنی کی چائنیز اکیڈمی آف ایگریکلچرل سائنسز کے ساتھ تحقیقی شراکت داری ہے۔ وزیراعلیٰ سندھ سید مراد علی شاہ نے کہا کہ سندھ حکومت چینی کمپنی اور مقامی زرعی اداروں کے درمیان تعاون کو آسان بنائے گی، جبکہ چینی ٹیکنالوجی اور مقامی تحقیق کو یکجا کرکے سندھ کے زرعی شعبے کو جدید خطوط پر استوار کیا جائے گا۔ #sindhinformationdepartment #views #sindhgovernment #InvestinSindh #SindhChinaCooperation

Sindh Information Department

Open In TikTok:

Region: PK

Tuesday 13 October 2026 10:37:28 GMT