@ecclesiastes82112: NETIZEN, SINABING HINDI SA MGA DUTERTE ANG BAHAY NA NASA ULAT SA NBI PROBE Kinuwestiyon ng netizen na si Beaver Buhian ang pag-uugnay sa pamilya Duterte ng isang property na ipinakita sa ulat tungkol sa pagsisiyasat ng National Bureau of Investigation sa mga ari-arian ni Vice President Sara Duterte. “This property below is not owned by VP Sara nor the Duterte Family. Few days ago I was there for the blessing of this house,” ani Buhian sa kaniyang Facebook post. Kalakip nito ang screenshot ng ulat ng GMA State of the Nation tungkol sa dalawang lote sa Davao City na nakasaad umanong “agricultural land” sa SALN ni Duterte ngunit may mga nakatayong estruktura. Nagbahagi rin siya ng mga larawang sinabi niyang mula sa house blessing. “No further research done para may ma bato lng. Sana ng-scout nlng cla ng presyo ng balde lols,” dagdag niya habang binabatikos ang mga nasa likod ng alegasyon. Ikinalungkot din ni Buhian ang pagkakasangkot ng kaniyang mga kaibigan sa usapin. “I also pity my friends who were dragged to this issue when few days ago we were happily celebrating their milestone,” aniya. “Hirap mahalin ng Pilipinas.” Nauna nang sinabi ni NBI Director Melvin Matibag na sinusuri ng ahensiya ang mga ari-ariang iniuugnay sa pamilya Duterte at ang umano’y pagkakaiba ng mga halagang idineklara sa SALN sa paunang pagtataya ng mga imbestigador. Itinanggi naman ni VP Sara ang pagmamay-ari sa loteng nasa larawang iniuugnay sa kaniyang SALN: “Ang lote sa larawan na sinabi niyang nasa aking Statement of Assets, Liability, and Net Worth o SALN ay hindi sa akin.” Wala pang reaksyon ang tanggapan ng NBI sa kumakalat na post ng netizen.

💙🇵🇭💛Ms. E💚🇸🇦🤍

Open In TikTok:

Region: SA

Tuesday 13 October 2026 10:40:07 GMT