@revan9k0: ဆန္ဒနဲ့ ဘဝက ထပ်တူမကျသေးလို့ အရာအားလုံးကို သည်းခံပြီး နေနေခဲ့တာပါ။ ကိုယ်ဖြစ်ချင်တဲ့ဘဝနဲ့ ကိုယ်ဖြတ်သန်းနေရတဲ့ဘဝက တခြားစီဖြစ်နေတဲ့အခါ ကိုယ်လိုချင်တာတွေကို ခဏဘေးချိတ်ထားရတယ်။ ပျော်ရွှင်ချင်တဲ့အရွယ်မှာ ပင်ပန်းမှုတွေကို ရင်ဆိုင်ရသလို၊ လွတ်လပ်ချင်တဲ့အချိန်မှာလည်း တာဝန်တွေအတွက် ကိုယ့်ဆန္ဒတွေကို နောက်ဆုတ်ပေးခဲ့ရတယ်။ တစ်ခါတလေ ကိုယ်လည်း အရာအားလုံးကို စွန့်ပစ်ပြီး ကိုယ်ဖြစ်ချင်သလို နေချင်ခဲ့တာပေါ့။ ဘာမှမစဉ်းစားဘဲ ကိုယ့်အတွက်ကိုယ် ရှင်သန်ကြည့်ချင်ခဲ့တယ်။ ဒါပေမဲ့ လက်တွေ့ဘဝက ကိုယ်လိုချင်သလို အမြဲတမ်း ရွေးချယ်ခွင့်ပေးမနေဘူးလေ။ မဖြစ်မနေ ရင်ဆိုင်ရမယ့်အရာတွေရှိတယ်၊ မျိုသိပ်ထားရမယ့် ခံစားချက်တွေရှိတယ်၊ ဘယ်သူ့ကိုမှ ဖွင့်မပြောဖြစ်တဲ့ ပင်ပန်းမှုတွေလည်း ရှိတယ်။ အဆင်ပြေနေလို့ တိတ်ဆိတ်နေတာ မဟုတ်ဘူး။ အားလုံးကို ရင်ဖွင့်ပြောပြလိုက်ရင်တောင် ကိုယ့်အစား ဝင်ခံပေးမယ့်သူ မရှိမှန်းသိလို့ ကိုယ့်ဘာသာကိုယ်ပဲ ကြိတ်မှိတ်ဖြတ်သန်းနေတာပါ။ တခြားသူတွေအတွက် သာမန်နေ့တစ်နေ့ ဖြစ်နေပေမဲ့ ကိုယ့်အတွက်တော့ မနက်ဖြန်ကို ရောက်အောင် ကြိုးစားနေရတဲ့ နေ့ရက်တွေ ဖြစ်နေနိုင်တယ်။ ကိုယ်လည်း ပင်ပန်းတယ်၊ ကိုယ်လည်း စိတ်ပျက်တယ်၊ တစ်ခါတလေ ဘာအတွက် ဒီလောက်တောင် ကြိုးစားနေရတာလဲလို့ ကိုယ့်ကိုယ်ကိုယ် ပြန်မေးမိတယ်။ ဒါပေမဲ့ အဲ့ဒီမေးခွန်းတွေကြားမှာပဲ ကိုယ်မရောက်သေးတဲ့ နေရာတွေ၊ ကိုယ်ဖြစ်ချင်သေးတဲ့ လူတစ်ယောက်နဲ့ ကိုယ်ပေးချင်သေးတဲ့ ဘဝတစ်ခုက ရှိနေတုန်းပဲ။ ဒါကြောင့် အခုချိန်မှာ မဖြစ်သေးတာတွေကို အတင်းဖြစ်အောင် မတွန်းတော့ဘူး။ မရောက်သေးတဲ့နေရာကိုလည်း အလောတကြီး မပြေးတော့ဘူး။ ကိုယ့်အချိန်နဲ့ကိုယ် ကြိုးစားမယ်၊ ကိုယ့်အရှိန်နဲ့ကိုယ် ရှေ့ဆက်မယ်။ ဘဝက ကိုယ်လိုချင်သလို ဖြစ်မလာသေးရင်တောင် ကိုယ်ဖြစ်ချင်တဲ့လူတစ်ယောက် ဖြစ်လာဖို့တော့ မရပ်တန့်ဘူး။ တစ်နေ့နေ့မှာ ကိုယ်သည်းခံခဲ့ရတဲ့ အရာအားလုံးက အဓိပ္ပာယ်ရှိလာမယ်လို့ မျှော်လင့်တယ်။ အခုလို ပင်ပန်းခဲ့ရတဲ့နေ့တွေကို ပြန်တွေးမိတဲ့အခါ နောင်တရနေမယ့်အစား ကိုယ့်ကိုယ်ကိုယ် ဂုဏ်ယူနိုင်တဲ့နေ့တစ်နေ့ ရောက်လာဖို့ပဲ ဆက်ကြိုးစားနေတယ်။ Still standing, still fighting. #nyinyi📰 #💞💞

𝑴𝒈 𝑲𝒐𝒐𝒏 𝑻𝒉𝒂 𝑵𝒚𝒊²

Open In TikTok:

Region: MM

Tuesday 13 October 2026 13:11:25 GMT