@narendra.shrestha7773: ~आधुनिक लमजुङ राज्यका स्थापनाकर्ता तथा चन्द्रसूर्य अंकित ८ कोणीय राष्ट्रिय झण्डाका परिकल्पनाकार~ वि स १४८० साल असोज २७ गतेका दिनमा लमजुङको बाहुनडाँडामा लमजुङ राज्यका स्थापनाकर्ता तथा ऐतिहासिक व्यक्तित्व कुश्माखर घिमिरेको जन्म भएको थियो। प्रकाण्ड विद्वान, ज्योतिषी एवं राजनीतिज्ञ कुश्माखर घिमिरेको नेतृत्वमा वि.सं. १५१६ मा लमजुङमा आधुनिक राज्यको थालनी भएको थियो। संस्कृतिविद प्रा.डा. जगमान गुरुङका अनुसार कुश्माखर लमजुङ राज्यका स्थापनाकर्ता, द्रव्य शाहलाई राजा बनाउन महत्वपूर्ण भूमिका खेल्ने व्यक्तित्व तथा लमजुङका ८ वटा कोटहरूको प्रतिनिधित्व गर्ने गरी नेपालको वर्तमान चन्द्रसूर्य अंकित ८ कोणीय राष्ट्रिय झण्डाका परिकल्पनाकार समेत हुन्। लमजुङको चौबीसे राज्य स्थापनाको इतिहास राजकुमार खजे घले र राजा परसुराम घलेबीचको आन्तरिक विवाद र त्यसपछि घलेबाट 'दुरा' उपनाम राखेका खजे दुरा, कुश्माखर घिमिरे, सुकराम क्याउछा र लक्ष्मण दुराको सहकार्यसँग जोडिएको छ। यस टोलीले वि.सं १५४० मा कास्कीका राजा कुलमण्डलका माइला छोरा कालु शाहलाई लमजुङको पहिलो राजा बनाएका थिए, तर घले राजा परसुरामले शिकारको बहानामा वाण प्रहार गरी १० वर्षमै उनको हत्या गरिदिए। कालु शाहको हत्यापछि पुनः कुश्माखर घिमिरेकै विशेष पहलमा कुलमण्डलका साइला छोरा यशोब्रह्म शाहलाई वि.सं १५५० असार १५ गते दुराडाँडा नजिकैको ठूलोढुङ्गामा शुभसाइतमा राखी सिन्दुर जात्रा गर्दै लमजुङको दोस्रो राजा घोषणा गरी पुरानकोट दरबारमा भित्र्याइएको थियो। इतिहासकार प्रा.डा. रामराजा सुवेदीले आफ्नो पुस्तक 'कुश्माखर घिमिरे' मा उल्लेख गरे अनुसार लमजुङमा शाह वंशको राज्य स्थापना र आधुनिक राज्यको थालनी गर्नमा कुश्माखर घिमिरे र खजे दुराको सबैभन्दा ठूलो भूमिका थियो, त्यसैकारण कुश्माखर घिमिरेको अतुलनीय योगदानको कदर गर्दै शाहवंशी राजा यशोब्रह्म शाहबाट उनलाई 'श्री ३' को उपाधि लगायत बाहुनडाँडाको सिमलचौर देखि दुधखोलासम्मको जमिन बिर्ता दिएका थिए। सुरक्षाका लागि सैनिक टुकडी र कोत घर स्थापना गरिएको तत्कालीन 'पुस्तुन मौजा' क्षेत्रका भीरपुस्तुनका घिमिरेहरूलाई रक्तकाली गुठी प्रदान गरिएको थियो, जसको जमिन ठूलीबेसी र चनौटेमा पर्दछ।

Narendra

Open In TikTok:

Region: NP

Tuesday 13 October 2026 13:47:51 GMT