@joq: Një qytetar në Korçë ka denoncuar humbjen e një shume prej 370 mijë lekësh të vjetra, pasi i ka harruar paratë në bankomatin e Raiffeisen Bank, në bulevardin “Gjergj Kastrioti”, pranë Drejtorisë së Policisë. Sipas tij, pasi kreu veprimin në bankomat, mori kartën bankare, por u largua pa marrë paratë pasi ato vonuan për të dalë. Kur u kthye pas rreth 10–15 minutash, paratë nuk ishin më aty. Qytetari bën me dije se ka kryer denoncimin në polici dhe shpreson që kamerat e sigurisë së Drejtorisë së Policisë, e cila ndodhet përballë bankomatit, të ndihmojnë në zbardhjen e rastit. Ai i bën thirrje personit që mund t’i ketë marrë paratë që t’i kthejë ato. Çdo informacion që mund të ndihmojë në sqarimin e rastit është i mirëpritur.