එක කාලයක් තිබුණා, ඔයා නැතුව ජීවිතයක් ගැන හිතන්නවත් බැරි වුණු. මගේ හැම හීනයකම හිටියේ ඔයා. අනාගතේ ගැන හිතද්දි මගේ හිතේ ඇඳුණේ ඔයා එක්ක ගෙවන ලස්සන ජීවිතයක්. පුංචි පුංචි දේවල්වල ඉඳන් ලොකු හීන වෙනකන් හැමදේම මම සැලසුම් කළේ ඔයත් එක්ක. කොච්චර ප්‍රශ්න ආවත් ඔයාගේ අත අතාරින්නේ නැතුව, හැමදේම ඉවසගෙන ඔයා ළඟින්ම ඉන්නයි මට ඕන වුණේ. 🥹🤍 ඒත් දන්නවද, කෙනෙක්ට හැමදේම ඉවසන්න පුළුවන් වුණත් තමන් ආදරේ කරන කෙනාගෙන් නැවත නැවතත් හිත රිදෙනකොට ඒ වේදනාව හැමදාම දරාගෙන ඉන්න බැහැ. හැමදාම ශක්තිමත් වෙලා ඉන්නත් බැහැ. හැමදාම තමන්ගේ කඳුළු හංගගෙන, කිසිම දෙයක් වුණේ නැහැ වගේ හිනාවෙන්නත් බැහැ. දවසක ඒ හිතටත් මහන්සි දැනෙනවා. තමන් මෙච්චර ආදරේ කරන කෙනාට තමන්ගේ වේදනාව තේරුම් කරලා දෙන්න උත්සාහ කරලම හිත පණ නැති වෙනවා. 😇💔 අන්තිමට වෙනදා ඔයාව නැති වෙයි කියලා බය වුණු මමම, අද ඔයා ළඟ ඉන්න එකෙන් මට මාවම නැති වෙනවා කියලා දැනෙන තැනට ඇවිත්. වෙනදා ඔයාව අතාරින්න බැරිව අඬපු මමම, අද මේ සම්බන්ධය නවත්තන්න ඕන කියලා හිතන තරමට වෙනස් වෙලා. ඒ මම ඔයාට ආදරේ නැති නිසා නෙවෙයි. සමහරවිට අදටත් මගේ හිතේ ඔයාට තියෙන ආදරේ අඩුවෙලා නැතුව ඇති. ඒත් ඒ ආදරේ ඇතුළේ මම විඳින වේදනාව දැන් මට දරාගන්න අමාරුයි. 🙂‍↕️🥀 මට ඕන වුණේ ඔයා එක්ක ලස්සනට ජීවත් වෙන්න. ප්‍රශ්න ආවම එකට විසඳගන්න. දුක හිතුණම ඔයාගේ ළඟට වෙලා හිත නිදහස් කරගන්න. මාව තේරුම් ගන්න කෙනෙක් වෙන්න ඔයාට. ඒත් මට මගේ දුකත් තනියම දරාගන්න වෙනවා නම්, මගේ කඳුළුත් මටම පිහදාගන්න වෙනවා නම්, මම ආදරේ කරන කෙනා ළඟ ඉඳලත් තනිකමක් දැනෙනවා නම්, ඒ ආදරේ ඇතුළේ මම කොච්චර කල් මාවම නැති කරගන්නද? 🥺🖤 ඒ නිසා දවසක මම " අපි මේක නවත්තමු " කියලා කිව්වොත්, ඒක මගේ ආදරේ ඉවර වුණු නිසාම කියලා හිතන්න එපා. සමහරවිට ඒ වචන ටික කියන්න කලින් මම දහස් වාරයක් මගේ හිතත් එක්ක සටන් කරලා ඇති. ඔයාව අතාරින්න බැරුව රෑ තිස්සේ අඬලා ඇති. අපි දෙන්නා ගැන හීන දැකපු මගේ හිතටම ඒ හීන අතාරින්න කියලා බල කරලා ඇති. මොකද මම ඒ තීරණය ගන්නේ ඔයාව අතාරින්න ලේසි නිසා නෙවෙයි, ඔයාව අතාරින්න තරම් මට රිදුණු නිසා වෙන්න පුළුවන්. 😔❤️‍🩹 මතක තියාගන්න, මුළු ජීවිතේම ඔයත් එක්ක ගත කරන්න හීන දැකපු කෙනෙක්ට, ඒ ජීවිතේම ඔයා නැතුව ගත කරන්න හිත හදාගන්න වෙනවා කියන්නේ ඒ තරම් ලේසි දෙයක් නෙවෙයි. 💔🥀 These are my real feelings, my real story. Please don’t copy my words! 💌 #the_unsaidd - @the_unsaidd