ينفع اسميها مقلوبة chicken au poivre ؟ 🇫🇷 🤔خطر على بالي هالمكس وقلت ليش لا ! بس سويت كمية قليله علشان اجربها اول وطلعت رهيبه! 👾 - مقلوبة Chicken au Poivre 🍗🌟 المقادير: تتبيلة الدجاج: صدور دجاج، خردل، ثوم، عصير ليمون، بابريكا مدخنة، ملح، فلفل أسود، زبادي وشوية زيت. صوص الفلفل الأسود: زبدة، فلفل أسود مجروش، بصل أبيض مفروم، صوص ورشستر، خردل، كريمة طبخ، مرقة دجاج أو لحم، ملح، بابريكا، بهارات إيطالية، ثوم وبصل بودرة وعصرة ليمون. للمقلوبة: رز أبيض مشخول، شرايح فلفل رومي أخضر، شرايح بطاطس محمرة بالقلاية الهوائية، بقدونس، بصل مقلي، زبدة وجبن بارميزان. الطريقة: 1. نتبل الدجاج بمكونات التتبيلة ونتركها نص ساعة على الأقل، بعدها نشوحها بالزبدة والزيت لين يستوي الدجاج ويتحمر ونشيله على جنب. 2. بنفس المقلاة نضيف كمية حلو من الزبده وبعدها فلفل أسود مجروش( مطحون خشن ) ونحمصه شوي، بعدها نضيف البصل ونشوحه لين يتكرمل شوي 3. نضيف شوي صوص الورشستر و الخردل ونخليهم يتسبكون شوي، بعدها نضيف الكريمة والمرقة وباقي بهارات الصوص وعصرة الليمون. 4. نرجع الدجاج للصوص ونغطيه ونخليه يتسبك على نار هادية. 5. نبدأ نرتب المقلوبة: نحط بقاع القدر شوية زيت وصوص، بعدها الفلفل الرومي، البطاطس، الدجاج مع كمية حلوة من الصوص، ورشة بقدونس وبصل مقلي. 6. نضيف الرز وفوقه بقدونس وبصل مقلي وقطع زبدة، ونغطي القدر على نار هادية جدا لمدة 15 دقيقة تقريباً . 7. قبل ما نقلبها ندخن المقلوبة! نحط نص بصلة فيها شوية زيت وفوقها فحمة مولعة، ونغطي القدر لين تتدخن المقلوبة وتاخذ نكهة الفحم. 8. نقلب المقلوبة بصحن التقديم ونزينها بكمية حلوة من جبن البارميزان والبقدونس وزيادة من صوص اللي سويناه وعليكم بألف عافية! 🌟 - @noor3_33