@mommymoe27: "သမီးမိန်းကလေးတွေကို ဘယ်လိုနည်းလမ်းတွေနဲ့လိင်ပညာပေးရမလဲ?" မိဘတစ်ယောက်အနေနဲ့ သမီးမိန်းကလေးတွေကို လိင်ပညာပေးဖို့ဆိုတာမေ့ထားလို့မရတဲ့ တာဝန်တစ်ရပ်ဖြစ် ပါတယ်။သမီးမိန်းကလေးတွေကို လိင်ပညာပေးခြင်းအားဖြင့် သူတို့ရဲ့ခန္ဓာကိုယ်ပိုင်ဆိုင်မှုနဲ့ သဘောတူညီမှုရဲ့ အရေးကြီးပုံကို သင်ယူစေပါတယ်။ဒါက သူတို့ကို မလိုလား အပ်တဲ့ ထိတွေ့မှုတွေကို ငြင်းဆန်နိုင်တဲ့ ယုံကြည်မှုကို တည် ဆောက်ပေးပါတယ်။မိန်းကလေးတွေဟာ လိင်ပိုင်းဆိုင်ရာ အနိုင်ကျင့်မှု/အကြမ်းဖက်မှုတွေကို ကာကွယ်နိုင်ဖို့ ပြင်ဆင် ထားရပါမယ်။ဒါကြောင့် မိဘတစ်ယောက်အနေနဲ့ သမီးမိန်း ကလေးတွေကို ဘယ်လိုနည်းလမ်းတွေနဲ့ လိင်ပညာပေးရမလဲဆိုရင် (၁)ကလေးရဲ့အသက်အရွယ်နဲ့ သင့်တော်အောင် သင်ကြားပေးပါ။ *မူကြိုနဲ့ မူလတန်းအရွယ် (၅-၁၀ နှစ်): ခန္ဓာကိုယ်အစိတ်အပိုင်းတွေရဲ့ နာမည်တွေနဲ့သူတို့ရဲ့အလုပ်လုပ်ပုံတွေကိုသင်ပေးပါ။ ခန္ဓာကိုယ်ပိုင်ဆိုင်မှုနဲ့ သူများထိတွေ့မှုကို ငြင်းဆန်ပိုင်ခွင့်ရှိတယ်ဆိုတာကိုလည်း သင်ပေးပါ။ *ဆယ်ကျော်သက်ငယ်အရွယ် (၁၁-၁၄ နှစ်): ရာသီစက်ဝန်း၊ ခန္ဓာကိုယ်ပြောင်းလဲမှုတွေ၊ နဲ့ ကိုယ်ဝန်ဆောင်ခြင်းရဲ့ အခြေခံသဘောတရားတွေကို ရှင်းပြပါ။ ကိုယ်ရေးကိုယ်တာ သန့်ရှင်းမှုနဲ့ ကျန်းမာရေးကိုလည်း ထည့်သွင်းပါ။ *ဆယ်ကျော်သက်လတ်နဲ့ အထက် (၁၅ နှစ်နှင့်အထက်): လိင်ဆက်ဆံခြင်းရဲ့ ကျန်းမာရေးနဲ့ စိတ်ခံစားမှုဆိုင်ရာ အကျိုးဆက်တွေ၊ ကာကွယ်နည်းလမ်းများ (ဥပမာ- ကွန်ဒုံး၊ သန္ဓေတားဆေးများ)၊ လိင်ဆက်ဆံမှုကြောင့် ကူးစက်နိုင်တဲ့ ရောဂါတွေSexually Transmitted Infections (STIs) ကိုသင်ပေးပါ။ (၂) ပွင့်လင်းပြီး ယုံကြည်စိတ်ချရတဲ့ ဆွေးနွေးမှုဖန်တီးပါ။ စိတ်အေးလက်အေး ဆွေးနွေးပါ။သမီးကို ရှက်စရာ ဒါမှမဟုတ် အပြစ်ရှိသလို မခံစားစေပါနဲ့။ သူတို့မေးတဲ့မေးခွန်းတွေကို ရိုးသားစွာ ဖြေကြားပေးပါ။ သူတို့ရဲ့ မေးခွန်းတွေကို နားထောင်ပါ။သမီးက ဘာကို သိချင်နေလဲ၊ ဘာကို စိတ်ဝင်စားနေလဲဆိုတာကို နားထောင်ပြီး အဲဒီအပေါ်မူတည်ပြီး ရှင်းပြပါ။ အသုံးအနှုန်းတွေကို ရိုးရှင်းအောင်ထားပါ။သူတို့နားလည်နိုင်တဲ့ ဘာသာစကားနဲ့ ရှင်းပြပါ။ (၃) ယဉ်ကျေးမှုနဲ့ ဘာသာရေးဆိုင်ရာသဘာ​တရားတွေနဲ့အညီသင်ပေးပါ။ မြန်မာ့ယဉ်ကျေးမှုမှာ လိင်ဆိုင်ရာ အကြောင်းအရာတွေကို ဆွေးနွေးရာမှာ ရှက်စရာလို့ ယူဆတတ်တာမျိုးရှိတတ်ပါတယ်။ ဒါကြောင့် သမီးကို စိတ်ချမ်းသာစွာ ဆွေးနွေးနိုင်ဖို့ သီးသန့်နေရာမှာ ပြောဆိုပါ။ သူတပါး ထိတွေ့မှုကို ငြင်းဆန်ပိုင်ခွင့်ရှိတယ်ဆိုတာကို သင်ပေးပါ။ ဥပမာ- “မင်းကို ဘယ်သူမဆို ထိတွေ့မှုကို မလိုလားရင် ‘မလုပ်ပါနဲ့’ လို့ ပြောပိုင်ခွင့်ရှိတယ်” လို့ သင်ပေးပါ။ အွန်လိုင်းမှာ ကိုယ်ရေးကိုယ်တာ အချက်အလက်တွေကို မျှဝေတာနဲ့ လိင်ဆိုင်ရာ အကြောင်းအရာတွေပါတဲ့ အကြောင်းအရာတွေကို ရှောင်ရှားဖို့ သတိပေးပါ။ ဆရာဝန်နဲ့ တိုင်ပင်ဖို့၊ ကာကွယ်ဆေးထိုးဖို့ (ဥပမာ- HPV ကာကွယ်ဆေး) နဲ့ လိုအပ်ရင် ကျန်းမာရေးဆိုင်ရာ အကြံဉာဏ်ရယူဖို့ အားပေးပါ။ (၄)စိတ်ခံစားမှုနဲ့ ဆက်ဆံရေးကို အလေးထားပါ။ လိင်ဆက်ဆံခြင်းဆိုတာ ရုပ်ပိုင်းဆိုင်ရာတင်မဟုတ်ဘဲ စိတ်ခံစားမှုနဲ့ ဆက်ဆံရေးနဲ့လည်း ဆက်စပ်နေတယ်ဆိုတာကို ရှင်းပြပါ။ ကိုယ့်ကိုယ်ကိုယ် လေးစားမှု၊ သဘောတူညီမှုရဲ့ အရေးကြီးပုံ၊ နဲ့ ကျန်းမာတဲ့ ဆက်ဆံရေးတစ်ခုရဲ့ လက္ခဏာတွေကို သင်ပေးပါ။ (၅) လက်တွေ့ဥပမာနဲ့ သင်ကြားပါ။ ဥပမာ- ရာသီစက်ဝန်းအကြောင်း သင်ပေးတဲ့အခါ ပြက္ခဒိန်တစ်ခုသုံးပြီး ရာသီလာတဲ့ရက်တွေကို ဘယ်လိုမှတ်သားရမလဲဆိုတာကို ရှင်းပြပါ။ ကာကွယ်နည်းလမ်းတွေအကြောင်း ပြောတဲ့အခါ ကွန်ဒုံးရဲ့ အသုံးပြုပုံဒါမှမဟုတ် သန္ဓေတားဆေးတွေရဲ့ အကျိုးသက်ရောက်မှုကို ရိုးရှင်းစွာ ရှင်းပြပါ။ အမေရိကားရဲ့ကျောင်းတွေမှာ လိင်ပညာပေးကို ဘာသာရပ်တစ်ခုအနေနဲ့ သင်ကြားပေးပါတယ်။ပြည်တစ်ခုနဲ့တစ်ခု ဘယ်အတန်းမှာစ သင်ပေးတယ်ဆိုတာ မတူကြပါဘူး။ကျွန်မတို့ North Carolinaပြည်နယ်မှာဆိုရင် အလယ်တန်း (၆တန်း)ကစပြီး Physical Education(PE) မေဂျာအနေနဲ့ သင်ရပါတယ်။PE ဘာသာရပ်အတွက် ဆရာမနှစ်ယောက်ရှိပြီး တစ်ယောက်က PE ရဲ့ ကိုယ်လက်လှုပ်ရှားအားကစား(work out)ကို သင်ပေးပြီး နောက်တစ်ယောက်က PE(Health) ကျန်းမာရေးအပိုင်းကို သင်ပေးပါတယ်။ မိန်းကလေးတွေအတွက် Sex education ဆိုတာ တစ်ကြိမ်တည်း ပြီးစီးသွားတဲ့ အကြောင်းအရာမဟုတ်ပါဘူး။ သမီးရဲ့ အသက်အရွယ်နဲ့ အတွေ့အကြုံပေါ်မူတည်ပြီး ဆက်လက်ဆွေးနွေးဖို့ အမြဲ အားပေးဖို့လိုပါတယ်ရှင်။ ညနေမိုး(ကလေး) #Jacob Sang #Moe&USA #Nyanymoe-Kalay #Jacob San

Nyanaymoekalay/ညနေမိုး(ကလေး)

Open In TikTok:

Region: US

Tuesday 13 October 2026 18:45:51 GMT