@za33g: طبگ سيارته ونزل وعيونه اندارتلي بأبتسامـه اول ما وصلت يمه دنگ ودگ جامه سياره ابتسمت وفتحتها گال " اضن گلبي دگ " ✨ كتله لاا خاف هاي ايدك دتوجعك وهاي خفقان عكد كصته وگال ماضنتي ؟ باوعتله بقله حيله ونزلت من الجامه بأبتسامه كتله احم عندك مجال اعقم ايدك وراها اتوكل ! گال شني عندك مجال ؟ كتله يعني باللهجه الي تفهمها " خوما مشغول " اتقرب خطوه وگال بثقـه وهيبه رجوليه " اتفرغلج " كتله واني امشي واوكف گبال بيتهم " يلا نعمـه " اجه يتمشه كدامي وفتح الباب وگال اتفضلي ! انداريت للشارع وباوعت للبيوت وعيني ثبتت ع المجمع الي براس الفرع كتله بتلميح " شعجب ما تشتري هذاك المجمع هـم " ميل راسـه بأنتباهه ورجع نزل نضره لعيوني وگال بهدوء وبرود يكتل "لااا ذاك ما تشتغل بي ذيج الوحده " ضربته بخفه ع صدره وهستوني داحجي ...ما احس الا البـاب انفتح وهوو ابتسم بخفه وخفه ابتسامته ..انداريت بصدمه وفززه واستغربـت من طلع رجـال شاب ومبين هم مستغرب من حركاتنه حمحم ملهـم وباوعلي وگال اعرفج بابـه ..الحبيب هذا اخوي ادم ابتسمت ورجع ملهـم گله اعرفك "ميس مرت اخوك المستقبليه " بلعت ريگي وانداريت بصدمه ع ملهـم صخام الصخمك ع هل لسان اختفت ابتسامتي وادم ابتسم وهوو يباوع علينه كتله لاا عيني بعدني دافكرر واكثرر نسبه متوصله الهاا هيه الرفض بس المهـم اتشرفت بيك ومديت ايدي بأبتسامه ما احس الااا صافح ايدي ملهـم ولزمها وگال هوو هم يتشرف ادري ضحك ادم وگال الي الشرف خويه ...اتفضلي اتفضلي الاكل لا يبـرد ! عگدت كصتي مستغربه يا اكل كتله العفوو بس شو هذا طب يسويلي مجال كتله ملهمم يا اكل انووب لا فدوه لاا تورطني خل اسوي الضماد مالتك واولي صفـن ملهـم وگال وهوو يمسح وجهه بقله حيله " بعلي نسيت " كتله شنيي شناسي ؟ كال وهوو يتقرب يمي " بويه بيت خالي معزومين ع الغده ومترهم ترحين اتغدي واتوكلي " كتله لاااا بس خل اسويلك گال ابويه هجي تزعليني منج وصلتي للباب وصابين الغده وسالفه ترحين هيجج واگفـه ! حرت ولا ارادياا عيني صارت ع شباك الصالـه وشفت بنيه واكفه بس مو ورده ؟ راساا باوعتله وصار فضول اعرف هاي منووو ؟ كلت ع الاقل خل اعاند وراها اقبل كتله لااا ملهـم هيج اتأخر گال ميسس بابـه الغده صابي لاااتنرفزيني وبعديـن شني ما النـه خاطر ؟ صفنت مدري شجاني بلعت ريگي وكتله يي تمام يلاا عگد كصته وگال نتحمل الـ يلا لخاطرر صاحبتهه ابتسمت وطبيت وهـو طب وراي فـ فتح باب الصاله وقبل لا يطب گال اتفضلي بابـه فـ هستوني طبيت ما احس الا العيون كلها اندارت عليه باوعتلهم واشوفلك رجال جبير احتمال هذا خاله ومرته وبنات 2 وحده تباوع لملهـم اكلته اكل والثانيه مبتسمه وتباوعلي ابتسم ملهـم وطب سلم ع خالـه ومرته بحروره وابتسامه ما احس الا بنت خالـه هاي الي مساع تباوعله واكلته بنضراتهه مد ايده الهاا ملهـم يسلم عليها وجمد الدم بجسمي من كلتله شنو من بعيد تسلم وجرته وباستـه بخده هنااا احس الدنيااا دارت بيه ووكفـت ...عيوني ثبتت عليهم وذيج الثانيه بس مدت ايدهاا وهوو صافحهه اباوعلهم واحس شي بداخلييي اختنگ وبعددد كولشي ماريددد غير بس اكرض هاااااي كرررررض اندارو عليه وملهم ولا كأنما مسوي شي مبتسـم ويحجي طبيعي عود الصار ؟ اتقرب وكال بابـه هذا خالي ومرته وهاي روان وأشرلي ع الباسته وگال هاي زهراء " الي جانت مبتسمه الي ومبينه حبابه " گال بنات خالي ذني واني لوو بيدي اخلي فوكهه والعباسسس واكطعهـم تكطع كتلهم بصوت ناصي اهلا وسهـلا اتشرفـت واني احس گلبي صارت بي نغزات والـم راساا خليت ايدي ع گلبي ولخفقان صار ابلعومي عگد كصته وانتبهه عليه اتقرب بخطوات وگال بيج شي ؟ باوعتله بطرف عيني ونضراتي جانت اعصاب وعتب وقهرر وكولشي عفته ورحت يم خالـه كعدت وهـو عيونـه عليـه يباوع بقلق اما اني احس ح انفجرر واقل كلمه ابجييي ما احس الا اتقرب بخطوات وگال بويـه جاا ماتجين تسويلي الضمـاد ؟.....

آلِــ عِــنِـــود 🎀

Open In TikTok:

Region: IQ

Tuesday 13 October 2026 20:02:28 GMT