@express.xeberler: Röya Ayxandan məktəbli forması ilə bağlı açıqlama: “Heç birimiz susmamalıyıq!” Expressxeberler.az xəbər verir ki, Xalq artisti Röya Ayxan son günlər məktəbli forması və cəmiyyətdə bu mövzu ətrafında aparılan müzakirələrlə bağlı mövqeyini açıqlayıb. Müğənni sosial şəbəkə hesabında paylaşım edərək valideynləri övladlarını bərabərlik, nizam-intizam və elmə hörmət ruhunda yetişdirməyə çağırıb. Röya Ayxan bildirib ki, bir ana kimi övladının məktəbdəki davranışına və geyiminə diqqət yetirməyə, ona başqalarından fərqli davranmamağı aşılamağa çalışır. Xalq artisti vurğulayıb ki, uşaqların rahat böyüməsi, təhsil alması və gələcəkdə öz seçimlərini edə bilməsi vacibdir. Onun sözlərinə görə, valideynlərin əsas vəzifəsi övladlarını düzgün istiqamətləndirmək, onları elmə və biliyə yönəltməkdir. Röya Ayxan həmçinin sənət adamlarını məsələyə münasibət bildirməyə çağırıb: “Əziz həmkarlarım, bu məsələdə heç birimiz susmamalı, azərbaycanlı mövqeyimizi ortaya qoymalıyıq. Azərbaycan dövlətini və onun qanunlarını dəstəkləməliyik”. Müğənni paylaşımında cəmiyyəti təxribatlara uymamağa, dövlətin mövqeyini müdafiə etməyə və milli birliyi qorumağa çağırıb. Expressxeberler.az #tehsil #mekteb

express.xeberler

Open In TikTok:

Region: NL

Tuesday 13 October 2026 22:40:14 GMT