രാജ്യതലസ്ഥാനത്ത് നടക്കുന്ന പ്രതിപക്ഷ പ്രതിഷേധങ്ങളുടെ പശ്ചാത്തലത്തിൽ മുസ്‌ലിം ജനവിഭാഗങ്ങൾക്ക് പിന്തുണയുമായി സോഷ്യൽ മീഡിയ ഇൻഫ്ലുവൻസറും ഡിജിറ്റൽ കണ്ടന്റ് ക്രിയേറ്ററുമായ നിതേഷ് കുമാർ തിവാരി. 'പീറ്റർ പാർക്കർ' എന്ന പേരിൽ അറിയപ്പെടുന്ന തന്റെ ഇൻസ്റ്റഗ്രാം പേജിലൂടെ അദ്ദേഹം പങ്കുവെച്ച കുറിപ്പ് ഇപ്പോൾ സോഷ്യൽ മീഡിയയിൽ വൈറലാണ്. കലാപസാഹചര്യങ്ങൾ ഒഴിവാക്കാൻ മുസ്‌ലിം സുഹൃത്തുക്കൾ നേരിട്ട് തെരുവിലിറങ്ങി ജീവൻ അപകടത്തിലാക്കേണ്ടതില്ലെന്നും, തങ്ങളുടെ പൂർവികർ വരുത്തിവെച്ച രാഷ്ട്രീയ തെറ്റുകൾ തിരുത്താൻ തങ്ങൾ മുന്നിലുണ്ടാകുമെന്നും അദ്ദേഹം വ്യക്തമാക്കുന്നു. പ്രക്ഷോഭങ്ങൾക്കിടയിൽ വർഗീയ ചേരിതിരിവ് സൃഷ്ടിക്കാനുള്ള നീക്കങ്ങൾ സജീവമാണെന്ന സൂചനകൾ നിലനിൽക്കെയാണ് ഈ കുറിപ്പ് സോഷ്യൽ മീഡിയ ഏറ്റുപിടിക്കുന്നത്. 'എന്റെ എല്ലാ മുസ്‌ലിം സുഹൃത്തുക്കളോടും' എന്ന് അഭിസംബോധന ചെയ്തുകൊണ്ടാണ് നിതേഷ് കുമാർ തിവാരി കുറിപ്പ് ആരംഭിക്കുന്നത്. നേരിട്ട് പ്രതിഷേധത്തിൽ പങ്കെടുക്കാൻ സാധിച്ചില്ലെങ്കിലും ആരും നിരാശപ്പെടേണ്ടതില്ലെന്ന് അദ്ദേഹം പറയുന്നു. എല്ലാ വിഷയങ്ങളെയും ഹിന്ദു-മുസ്‌ലിം സംഘർഷമാക്കി മാറ്റുന്ന ബിജെപിയുടെ തന്ത്രങ്ങളെക്കുറിച്ച് എല്ലാവർക്കും ബോധ്യമുണ്ട്. ഗുണ്ടകളെ ഉപയോഗിച്ചും കൃത്രിമമായി സംഘർഷങ്ങൾ ഉണ്ടാക്കിയും കലാപസമാനമായ അന്തരീക്ഷം സൃഷ്ടിക്കാൻ ശ്രമങ്ങൾ നടക്കുന്നുണ്ടെന്നും, അതിനാൽ നിങ്ങൾ സ്വന്തം സുരക്ഷ അപകടത്തിലാക്കേണ്ടതില്ലെന്നും അദ്ദേഹം ഓർമ്മിപ്പിച്ചു. ബിജെപിയെ അധികാരത്തിൽ കൊണ്ടുവന്നത് ഞങ്ങളുടെ അപ്പനപ്പൂപ്പന്മാരാണ്. അതുകൊണ്ട് ആ തെറ്റ് തിരുത്താനുള്ള ബാധ്യതയും ഞങ്ങൾക്ക് തന്നെയാണ്, ഈ വിഷയം ഞങ്ങൾ ഏറ്റെടുത്തോളാം എന്നു പറഞ്ഞാണ് അദ്ദേഹം കുറിപ്പ് അവസാനിപ്പിക്കുന്നത്. പോസ്റ്റ് ഇതിനകം പതിനായിരക്കണക്കിന് ആളുകളാണ് സമൂഹമാധ്യമങ്ങളിൽ പങ്കുവെച്ചത്. ബോളിവുഡ് നടിയും ആമിർ ഖാൻ്റെ അനന്തരവാളുമായ സെയ്ൻ മേരി ഖാൻ, ബോളിവുഡ് താരം കിഷോർ ഉൾപ്പെടെ നിരവധി പ്രമുഖർ നിതേഷ് കുമാറിൻ്റെ പോസ്റ്റിന് നന്ദി പറഞ്ഞു രംഗത്തെത്തിയിട്ടുണ്ട്. ദീർഘനാളായി ഭയത്തിന്റെ നിഴലിൽ ഒതുങ്ങിക്കൂടാൻ നിർബന്ധിതരായ ഇന്ത്യൻ മുസ്‌ലിംകൾക്ക് ഈ വാക്കുകൾ വലിയൊരു ആശ്ലേഷം പോലെയാണെന്ന് പ്രതികരണങ്ങളിൽ പലരും കുറിച്ചു. ഭരണഘടന നൽകുന്ന അവകാശങ്ങൾ സംരക്ഷിക്കാൻ രാജ്യത്തിൻ്റെ വിവിധ ഭാഗങ്ങളിൽനിന്ന് ഡൽഹി ജന്തർ മന്ദറിലെത്തി പ്രതിഷേധത്തിൽ പങ്കെടുത്തതിൻ്റെയും പോലീസ് പീഡനം നേരിട്ടത്തിൻ്റെയും അനുഭവങ്ങൾ പങ്കുവെച്ചുകൊണ്ടും നിരവധി പേർ പോസ്റ്റിന് കീഴിൽ രംഗത്തെത്തിയിട്ടുണ്ട്. വിവിധ സോഷ്യൽ മീഡിയ പ്ലാറ്റ്‌ഫോമുകളിൽ ആയിരക്കണക്കിന് ആളുകളാണ് ഈ കുറിപ്പ് പങ്കുവെച്ചുകൊണ്ട് പ്രതിഷേധത്തിന് ഐക്യദാർഢ്യം പ്രഖ്യാപിക്കുന്നത്. ധർമേന്ദ്ര പ്രധൻറെ രാജി ആവശ്യപ്പെട്ട് നടന്ന സിജെപി പി ജന്തർ മന്തർ പ്രക്ഷോഭത്തിൽ സജീവമായിരുന്നു നിതേഷ്. ഇപ്പോൾ തെരഞ്ഞെടുപ്പ് ക്രമക്കേടുകൾക്കെതിരെ രാജ്യതലസ്ഥാനത്ത് തുടരുന്ന പ്രക്ഷോഭത്തിലും അദ്ദേഹം മുൻനിരയിലുണ്ട്. #SocialMediaInfluencer #DelhiProtest #SocialMediaViral #PeterPaarkar #SecularIndia - @kuningarathabdulla1