تر څو پښتون قوم، که سیاسي وي، که ټولنیز، که مذهبي، که ملتپال، ډاکټران وي، وکیلان وي، د سوداګرو ټولنه وي او که د پښتونخوا په سیمه کې نورې ټولنې او تنظیمونه دي، ټول په یوه اتفاق او یووالي سره د ۲۰۲۴ کال د اکتوبر د ۱۱مې نېټې د پښتون قومي جرګې پر پرېکړو عمل ونه کړي، نو موږ به همداسې د سپکاوي او محرومیت ژوند تېروو. هغه جرګه یوازې یوه غونډه نه وه، بلکې د پښتنو د راتلونکي، امن، حقونو، عزت او خپلواک تصمیم نیولو لپاره یو ګډ غږ و. په هغه جرګه کې چې کومې پرېکړې وشوې، باید ټول پښتانه یې د عملي کېدو لپاره په سوله‌ییزه، قانوني او منظمه توګه هڅې وکړي. پښتون که په هر سیاسي ګوند، مذهبي تنظیم، ټولنیزه اداره او یا مسلکي ټولنه کې وي، د خپل قوم د حقونو په مسئله کې باید ګډ دریځ ولري. ځکه چې د قوم حقونه یوازې د یوه ګوند، یوې ډلې یا یوه مشر په هڅو نه ترلاسه کېږي؛ بلکې د ټولو خلکو یووالی، اتفاق او دوامداره مبارزه غواړي. که موږ د جرګې پر پرېکړو عمل ونه کړو، هر څوک په خپله لاره روان وي او د قوم ګډو مسئلو ته شا کړو، نو زموږ ستونزې به همداسې پاتې وي. خو که د امن، عدالت، تعلیم، اقتصادي حقونو او د ورکو کسانو د موندلو لپاره په ګډه او قانوني لاره غږ پورته کړو، نو لږ تر لږه به خپل ګډ دریځ پیاوړی کړو. راځئ، د شخصي ګټو، ګوندي اختلافاتو او سیاسي سیالیو پر ځای د پښتون ولس ګډو حقونو ته لومړیتوب ورکړو. اتفاق، شعور، سوله‌ییزه مبارزه او پر خپلو پرېکړو عملي کار د یوه باعزته راتلونکي لپاره مهم دي. پښتون یووالی، د حقونو غږ او د خیبر جرګې د پرېکړو عملي کول! #PashtunTahafuzMovement #ManzoorPashteenIsOurRedLine #inampashteen #HumanRights #پښتون_ژغورنې_غورځنګ @Manzoor Ahmad Pashteen @Usman Afridi @Muhammad Ullah Pashteen @PTM central Media official - @pashton953