@ashana_lezzetleri: Palow (4 adamlyk). Gerekli önümler: • Et — 500 g • Tüwi (lazer ýa-da alanga gowy bolýar) — 400 g • Käşir — 400 g • Sogan — 2 sany ortaça (takmynan 150–200 g) • Ösümlik ýagy (suwuk ýag) — 100 ml (islege görä bir bölegini guýruk ýagy bilen çalşyp bilersiňiz) • Sarymsak — 1–2 kelle (isleseñiz) • Zire (kumin) — 1 çaý çemçesi (isleseniz) • Duz we gara burç — islege görä • Gyzgyn suw (gaýnan suw) — takmynan 700–800 ml Taýýarlanyşy: 1. Önümleri taýýarlamak: • Tüwini sowuk suwda 4–5 gezek, suwy dury bolýança ýuwuň we gyzgyn duzly (0,5 nahar çemçe duz goşmaly) suwda 30 minutlap goýuň, soñ suwyny döküñ. • Eti uly bolmadyk böleklere dograň. • Sogany ýarym halka görnüşinde, käşiri bolsa uzyn we galyňja saman görnüşinde dograň (gyrgyçdan geçirmäň!). • Sarymsagyň diňe daşky gabygyny arassalaň, ýöne bozmang, tutuşlygyna galdyryň. 2. Eti we sogany gowurmak: • Gazany güýçli otda gyzyryň, ýag guýup, gowy gyzgyn ýagdaýa getiriň. • Dogralan sogany atyp, owadan altyn-goňur reňke girýänçä gowuruň. • Eti goşuň we hemmesini bilelikde etiň daşy gowy gyzarýança (takmynan 10–12 minut) gowuruň. 3. Käşiri we tagamlary goşmak: • käşiri gazana etiň üstünden döküň, ilki 2–3 minut garyşdyrmaň, soňra emaý bilen garyşdyryp, gäşir ýumşaýança 5–7 minut gowuruň. • Ziräniň ýarysyny, duzy we gara burçy goşuň. • Gazandakylaryň üstüni takmynan 1-1.5 santimetr ýapar ýaly edip gyzgyn suw guýuň. Ody haýalladyň we gazanyň gapagyny ýapman, pes otda 20–30 minut gaýnadyň. 4. Tüwini salmak: • Tüwiniň suwuny gowy süzüň we ony etdir käşiriň üstünden deňölçegli edip döküň (tüwini aşaky gatlak bilen garyşdyrmaly däldir!). • Ortasyna sarymsak kellesini basyp salyñ. Galan zireni hem tüwiniň üstüne sepiň. • Tüwiniň üstünden 1 santimetr ýokary geler ýaly edip ýene azajyk gyzgyn suw guýuň. 5. Suwuny çekdirmek we demlemek: • Ody iň ýokary derejä goýuň we gazanyň gapagyny ýapman, tüwiniň ýüzündäki suw doly çekilýänçä garaşyň. • Suw çekilensoň, tüwini orta tarap ýygnamaly, agaç çöp ýa-da çemçe bilen gazanyň dübüne çenli birnäçe ýerinden deşiň (artykmalaç bug çykar ýaly). • Ody iň pes derejä getiriň, gazanyň gapagyny dykyz edip ýapyň we palowy 20–25 minutlap demine goýuň • Gazany otdan aýyryň, gapagyny açman ýene 10 minut goýuň. • Palowy hödürlemezden öñ tüwini aşaky et we gäşir bilen gowy garyşdyryň we uly tabaga salyp äberiň. Gowy palow üçin esasy syr: Haýsy tüwini saýlasaňyz hem, ony bişirmezden öň sowuk suwda 4-5 gezek (suwy dury bolýança) ýuwmak we takmynan 30 minut gyzgyn, duzly suwda goýmak gerek. Bu tüwiniň artykmaç krahmalyny aýyrýar we palowyň däne-däne bolmagyny üpjün edýär. #palow #ashanalezzetleri #resept

Aşhana lezzetleri

Open In TikTok:

Region: TM

Wednesday 14 October 2026 07:15:28 GMT