@pulsepilipinas: Binatikos ni Sass Rogando Sasot ang ipinakitang demonstrasyon ng portable water filtration system ng Department of Social Welfare and Development (DSWD) sa pangunguna ni Secretary Rex Gatchalian. Ayon kay Sasot, hindi sapat ang pagpapakitang naging malinaw ang maruming tubig upang patunayang ligtas na itong inumin. “What I saw was not a scientific demonstration; it was a magic show. And the public deserves to know the difference,” ani Sasot. Sa naturang demonstrasyon, hinaluan ng lupa at kulay-kayumangging tubig ang tubig na ipinasok sa filtration system. Pagkatapos salain, ipinakitang malinaw ang lumabas na tubig at ininom ito nina Gatchalian at Palace Press Officer Claire Castro. Ngunit giit ni Sasot, hindi nangangahulugang ligtas na inumin ang tubig dahil lamang malinaw itong tingnan. Paliwanag niya, may mga kontaminant tulad ng bacteria, virus at heavy metals na hindi nakikita ng mata. “Removing mud only proves the filter removes mud,” dagdag niya. Hinamon din ni Sasot ang DSWD na maglabas ng independent laboratory test results upang mapatunayan kung gaano kaepektibo ang filtration system laban sa mga mapanganib na kontaminant.

Pulse Pilipinas

Open In TikTok:

Region: PH

Wednesday 14 October 2026 10:03:47 GMT