تنقل الاخت العزيزة قصتهت وتكول اني راح احجيلكم عن موقف صار وياي موقف لامامنا صاحب العصر والزمان عليه السلام ... جان وقت متاخر وشتاء. فسويت چاي وجان عالصوبة يفور وبنتي بحضني عمرها سبعة أشهر نزلت الچاي بصفي ومن كعدت بنتي ضربت رجلها بالچاي وانگلب على رجلها واحترك كف رجلها. مباشره اخذناه اني وابوها للمستشفى وصلنا الشارع وماكو سيارة توصلنه. والبنت تصرخ لان الچاي جان يفور والله وماشوف الا من جهة اجت سيارة بسيطه بلغناه للمستشفى كالنه تفضلوا فقط. والبنت تصرخ بهاي اللحظات جنت اطلب من الله وال البيت عليهم السلام ان يخففوا على بنتي الألم وگلت يارب بحق الإمام المهدي بعدني ماكملت إسم المهدي عليه السلام وكانه واحد دار وجهي للسايق وكلي هذا الامام المهدي والله على مااقول شهيد تلبكت حتى كمت كلشي ما اكول ولا اكدر اكول فقط انضر للسايق الي ما اعرف شلون عرفت انه الامام المهدي عليه السلام وعيوني عليه. جان لابس غتره ابيض واسود وملثم ولابس قمصله زيتوني وبنيته ضخمه واطراف ايده هم والخلاني اتاكد أكثر دائما السواق يصير عدهم فضول اذا طفل يبجي يسال شبيه وليش بس احنه ماسمعنه اي سؤال او استفسار من هذا الرجل حتى زوجي بعدين هم بلغني انه استغرب امر الرجل فقط ينضر للصغيرة بدون اي سؤال ومن وصلنه للمستشفى سأله الي عالباب شعدكم سمعته كله عدنه طفله مريضة اغاتي ودخلنه ومن كله زوجي شكد مولاي كله بكيفك شكد متنطي ونزلنه وبنتي دخلت للمستشفى واني بقيت بمكان مانزلت من السيارة وعيوني وره السيارة 😢 وما اكدر احجي ولا اكول اي شيء وبعد ايام شفت رؤيا بالإمام المهدي عليه السلام وكلي بالحرف الواحد اني الي وصلتكم ذاك اليوم للمستشفى والحمدلله وحده... حسرتي انه جنت اتمنى اسلم عليه واقبل اطراف ثيابه الطاهرة الامام عليه السلام مايتركنه اجاني وساعدني بوقت عسير جان عليه أسأل الله لي ولكم التوفيق والسداد #اللهم_صل_على_محمد_وآل_محمد #ياصاحب_الزمان_ادركنا #كرامات_أهل_البيت_عليهم_السلام #العراق #العراق_السعوديه_الاردن_الخليج - @mahdawi124