@arys_qalasy_akimdigi: АРЫСТА ГАЗДАНДЫРУ ЖҰМЫСТАРЫ БАҚЫЛАУДА Облыс әкімі Нұралхан Көшеровтің 7 қазанда Арыс қаласының тұрғындарымен кездесуінде берген тапсырмасына сәйкес, облыстық энергетика және тұрғын үй-коммуналдық шаруашылық басқармасының басшысы Тоқтар Усубалиев қалаға арнайы келді. Ол 8 қазаннан бастап үш күн бойы газдандыру жұмыстарының барысын бақылады. Сонымен қатар табиғи газға қосылу мәселесін көтерген тұрғындармен кездесіп, олардың өтініштері мен ұсыныстарын тыңдады. Кездесу барысында тұрғындарға қала аумағындағы барлық тұрғын үйге дейін табиғи газ желісі тартылғаны түсіндірілді. Ендігі кезекте тұрғындар үй ішіне газ құбырларын жүргізу және қажетті монтаждау жұмыстарын ұйымдастыру үшін «Otebay Gaz Aimaq» ЖШС-не өтініш білдіруі қажет. Осы тәртіппен тұрғындар өз үйлерін табиғи газға қоса алады. Тиісті түсіндіру жұмыстарынан кейін мәселелерінің мән-жайына қаныққан тұрғындар ризашылықтарын білдірді. Қазіргі таңда Арыс қаласында 9 137 абоненттің барлығы табиғи газға қосылу мүмкіндігіне ие. Бүгінде олардың 6 493-і көгілдір отынды пайдаланып отыр. Газдандыруға қатысты мәселелер тиісті бақылауда. Айта кетейік, өткен жылы қаладан бөлек Байырқұм, Жиделі, Көкжиде және Саналы ауылдары табиғи газға қосылса, биыл Аққала ауылы көгілдір отынның игілігін көруде. Бұдан бөлек, Талдықұдық, Ақдала және Қаражантақ елді мекендерінде табиғи газ тарту жұмыстары жүргізіліп жатыр.

Арыс Қаласы Әкімдігі

Open In TikTok:

Region: KZ

Wednesday 14 October 2026 16:36:48 GMT