@samaher085: معلماتي الجميلات 🌷 هذي طريقة سهلة وبسيطة لتجهيز عروض دروسكم وبطاقاتكم المصوّرة وحفظها ✨ ١️⃣ نبدأ من شات جي بي تي نطلب منه يكتب لنا «برومبت»، يعني وصف تفصيلي للمحتوى والتصميم اللي نبغاه. مثلاً نكتب له: «اكتب لي برومبت لعرض تعليمي عن مفهوم (…) لأطفال الروضة، مكوّن من (…) شرائح، يتضمّن أسئلة استقصائية ودينية ووجدانية، ومقارنة ومهارات تفكير عليا وتفكير ناقد وحل مشكلة، مع نشاط ختامي. تكون الصور كبيرة وواضحة، والألوان باستيل، والكتابة قليلة ومناسبة للأطفال». ونضيف أي تفاصيل نحبّها، مثل الشخصيات والألوان ومقاس الصفحات 🎨 ٢️⃣ ننسخ البرومبت كامل 📋 وبعدها نختار البرنامج اللي نبغى نصمّم فيه: 🌷 كانفا: نضغط «المزيد»، ثم نختار «الذكاء الاصطناعي»، ونلصق البرومبت ونطلب إنشاء عرض تقديمي. 🌷 جاما (Gamma): نختار إنشاء عرض بالذكاء الاصطناعي، ونلصق البرومبت، ثم نختار الثيم المناسب ونبدأ الإنشاء. قد تختلف أسماء الخيارات أو أماكنها حسب لغة البرنامج وتحديثه. ٣️⃣ لو نبغى بطاقات مصوّرة 🖼️ نستخدم نفس البرومبت في شات جي بي تي، ونكتب له: «صمّم لي المحتوى على شكل بطاقات مصوّرة، كل بطاقة بصورة مستقلة، مقاس A4 بالعرض، سؤال واضح في الأعلى وصورة كبيرة تعبّر عنه أسفله». ٤️⃣ نضيف لمساتنا على العرض 🎥🎲 بعد ما نجهّزه، نقدر نضيف مقاطع فيديو وألعابًا تفاعلية وأنشطة تناسب الدرس والأطفال، ونعدّل عليه براحتنا. وقبل استخدامه نراجع المعلومات والكتابة والصور، ونتأكّد إن كل شيء واضح ومناسب للأطفال. ٥️⃣ نحفظ شغلنا 📥 🌷 من كانفا: نضغط «مشاركة» ← «تنزيل»، ونختار: • PDF: للبطاقات والطباعة. • PowerPoint ‏(PPTX): لفتح العرض والتعديل عليه في البوربوينت. ثم نضغط «تنزيل». 🌷 من جاما: نفتح قائمة العرض (…) ونختار «تصدير»، ثم نختار PDF أو PowerPoint ونحمّل الملف. 🌷 صور شات جي بي تي: نفتح الصورة ونختار حفظها أو تنزيلها، ونكرّر الخطوة لكل بطاقة. 📱 في الآيفون: الصور تلقونها في تطبيق «الصور»، والملفات غالبًا في تطبيق «الملفات» ← «التنزيلات». 💡 إذا أضفتوا فيديوهات أو ألعابًا تفاعلية، جرّبوا رابط العرض قبل الدرس؛ لأن PDF ثابت، وبعض عناصر التفاعل قد ما تنتقل عند تحميل العرض. أنا علّمتكم الطريقة، وإنتوا عليكم الإبداع وإضافة لمساتكم الجميلة 🤍✨#تعليم #كانڤا #عروض #معلمات_رياض_اطفال #explore

أ/ سمـاهر 💎🍎

Open In TikTok:

Region: SA

Wednesday 14 October 2026 17:10:26 GMT