@abokinzy35_official: لسة في خير الدنيا،، ولسة ولاد البلد الجدعان حوالينا ،، وعم سيد وجلابيته بطل قصة انهاردة عم سيد الراجل الصعيدي السوهاجي كان ماشي بعربيته في الشارع في القاهرة وشاف بنت من ذوي الهمم من غير هدوم الناس كانت واقفة تتفرج على البنات ومحدش عنده إنسانية حتى يحاول يساعدها، لكن عم سيد اتحرك جواه العرق الصعيدي وهو الوحيد اللي خد موقف بين كل الواقفين البنت كانت باين عليها أنها خايفة من حاجة والمشهد صعب والناس واقفة تتفرج وبس، لكمن وسط ده كله وقف عم سيد بعربيته ومن غير ما يفكر خلع جلابيته اللي كان لابسها عشاني يستر البنات في الشارع ويحميها من الناس البنت من كتر خوفها، حاولت تبعد عنه ومكنتش عايزة تلبس الجلابية ، لكن عم سيد كان حاول يهديها ويسترها بأي شكل وقالها الجلابية دي هدية مني ليكي لحد ما البنت اطمنت فعلاً ولبست الجلابية عم سيد رجع لعربيته من غير الجلابية لكن كسب احترام الناس وحظه الحلو أن كان في كاميرات في المكان سجلت اللقطة واللي عمله عم سيد، وانتشرت على السوشيال ميديا وعم سيد بقى بطل شهم كل الناس بتدعيله على اللي عمله مع البنت وفجأة عم سيد لقى نفسه تريند وقال أنه عمل كدا عشان يستر البنت لوجه الله مش عشان يدور على شهرة على النت شكراً لعم سيد لأن في مواقف مش بتحتاج كلام كبير ،، بس محتاجة قلب رحيم وجدعنة حقيقة ،، وعم سيد قرر يعمل الصح حتى لو مكنش حد شايفه

كروان المجال إبن المنصورة 🎤🎤

Open In TikTok:

Region: EG

Wednesday 14 October 2026 18:11:33 GMT