@.waheed17: لږ تم شه! تاسې به لیدلي وي چې چا په رکشو څه او چا څه لیکلي وي: د بېلګې په ډول: کښېنه چې ورک دې کړم. زه ځانله صوبه یم. د مور نازولی. د پلار لومړی مرستیال. لس افغانۍ ورکوې او نخرو ته دې ګوره. ځینو خو پکې خپلوان، رقیبان او یاران سخت ټکولي وي. خو خیر اصلي خبرې ته راځم. نن سهار یوې رکشې ته وختم. د رکشوان د شا پر څوکۍ یې لیکلي وو: "رکشه کې سندرې اورېدل منع دي" رکشوان ته مې وکتل. داسې مذهبي هم نه معلومیده. حیران شوم. ترې ومې پوښتل: دا جمله دې هسې لیکلې، که خپله هم نه اورې؟ عجبه کیسه یې راته وکړه. ویل یې: یوه ورځ کابل ته تلم، ټکسي موټر کې سپور وم. لار کې ټکر شوی و. موږ تازه ورورسېدو، چې ومې کتل: پېښه کې دوه ګلالي ځوانان مړه شوي او سر ته یې سندرې چالان دي. وډار شوم چې په داسې حالت کې مرګ... بیا یې وویل: د مرګ نېټه څه معلومه ده. هغه ورځ ده او دا ورځ ده بیا مې سندرې نه دي اورېدلي. ګنې مخکې به راسره رکشه کې ډیګ لګېدلی و. زما ځای راورسېده. ترې ښکته شوم خو د رکشوان خبرې مې اوس هم ذهن کې تاویږي راتاویږي. د مرګ نېټه څه معلومه ده؟ #creatorsearchinsights #faryou #foryoupage❤️❤️ #sadness #تاجیک_هزاره_ازبک_پشتون_ترکمن🇦🇫

𝐖𝐀𝐇𝐄𝐄𝐃 | بارکــزی

Open In TikTok:

Region: US

Thursday 15 October 2026 04:05:42 GMT