@dy8nuk2ihykf: مرات الوحدة ما بتكون قِلّة ناس حوليك، ولا معناها إنك ما عندك أصحاب أو أهل.. مرات بتكون وسط زحمة من الناس، لكن جواك إحساس عميق إنك براااك. بتضحك معاهم، وتشاركهم لحظاتهم، لكن في حاجات جواك ما بتقدر تحكيها لأي زول، ومشاعر بتتمنى لو في شخص واحد بس يفهمها من غير ما تضطر تشرحها. الوحدة الحقيقية إنك تلقى نفسك محتاج كلمة حلوة، سؤال صادق، أو زول يحس بيك من غير ما تطلب منه. إنك تكون محاط بناس كتار، لكن ما تلقى فيهم الزول البتقدر تكون معاه على طبيعتك، من غير ما تتصنّع القوة أو تخبّي وجعك وراء ابتسامة. عشان كده، ما كل زول قاعد براهو وحيد، وما كل زول وسط الناس سعيد.. أحياناً بنختار البُعد لأنو أرحم من وجود ما فيه راحة، وبنختار الصمت لأنو الكلام مع الزول الغلط بتعب أكتر من السكوت. في النهاية، الوحدة ما قِلّة ناس، الوحدة إنك ما تلقى الزول البيريّح قلبك، ويفهم صمتك، ويحس بغيابك حتى لو ما قلت إنك تعبان. 🥀🤍

يسرية موسي موسي

Open In TikTok:

Region: SD

Thursday 15 October 2026 05:18:03 GMT