@dmbaloch93: اگاں منی دیم ءَ بے حسابیں زیبائیں ندارگ بہ بنت ھم— آسمان ءِ سرا استالانی جلوا ءَ گوں، ماہ وتی سرجمیں شان ءُ شُہاز ءَ رژناہ بہ بیت، گوات چہ پُلانی بوہ ءَ پُر بہ بیت ءُ دنیا ءِ ہر زیبائی منی کش ءُ گوراں برجم بہ بیت - منی چمّ انگت بس تئی شوھاز ءَ بنت۔ لھتے زیبائیں دروشماں بس چماں وش کن انت وھدے کہ دگہ لھتیں دل ءِ تہ ءَ ھیر کپ اَنت ءُ اودا لوگ جوڑ کن اَنت۔ منی نزیک ءَ تو ھما زیبائی ئے کہ تئی ھست بوھگ ءَ دگہ درستیں ندارگ ھلاس بنت۔ بوت کنت کہ مھر راستی ءَ ھمیش اِنت کہ ھزار دیم ءِ میان ءَ دل ءَ بس یکے دیم ءِ سر ءَ آرام کیت، ءُ ھما وھد ءَ ھم کہ دنیاۓ ءِ درستیں زیبائیں چیز یکے ءِ دیم ءَ بنت، مردم انگت ھمے واھگ ءَ دار اِیت کہ آ ایوک ءَ ھمے یکیں مردم ءَ بہ گندیت۔ منی دیم ءَ ھرچ وڑیں وشیں ندارگے بہ کپ اَنت، من انگت ایوک ءَ تئی نیمگ ءَ چارگ ءِ راہ ءَ گچین کناں... پرچا کہ منی چمّانی واھگ ایوک ءَ زیبائی نہ اِنت، تئی چارگ انت۔ #repost #viral #balochistan #balochipoetry #foryoufage

365

2026-10-15 06:57:45

2026-10-15 09:24:07

To see more videos from user @dmbaloch93, please go to the Tikwm homepage.