پشاور میں اسکول کی چھت گرگئی، 21 بچے اور ایک خاتون ٹیچر جاں بحق، متعدد زخمی واقعے کی اطلاع ملتے ہی ریسکیو 1122 کی ٹیموں نے موقع پر پہنچ کر فوری امدادی کارروائیاں شروع کیں اور ملبے تلے دبے بچوں کو نکال کر لیڈی ریڈنگ ہسپتال پشاور منتقل کردیا جمعرات 15 اکتوبر 2026 11:17 پشاور (اُردو پوائنٹ اخبارتازہ ترین۔ 15 اکتوبر 2026ء) صوبہ خیبرپختونخواہ کے دارالحکومت پشاور میں اسکول کی چھت گر گئی جس کے نتیجے میں 21 بچے جاں بحق ہوگئے، بچوں کی عمریں 13 سال تک بتائی جارہی ہیں، واقعے میں ایک خاتون ٹیچر بھی جاں بحق ہوگئیں۔ میڈیا رپورٹس کے مطابق یہ افسوسناک واقعہ پشاور کے علاقے دیر کالونی میں پیش آیا جہاں واقع ایک پرائیویٹ اسکول کی تین منزلہ عمارت زمین بوس ہوگئی، نجی اسکول کی چھت اچانک گرنے کی وجہ سے 21 بچے جاں بحق جب کہ اس واقعے میں متعدد بچے شدید زخمی بھی ہوئے ہیں، جن کی تعداد 40 سے زائد بتائی گئی ہے۔ ریسکیو حکام نے بتایا کہ نجی اسکول کی چھت گرنے سے متعدد معصوم بچے اور اسکول عملہ ملبے تلے دب گئے، واقعے کی اطلاع ملتے ہی ریسکیو 1122 کی ٹیموں نے موقع پر پہنچ کر فوری امدادی کارروائیاں شروع کیں اور ملبے تلے دبے بچوں کو نکال کر لیڈی ریڈنگ ہسپتال پشاور منتقل کیا جب کہ اسکول کی عمارت کا ملبہ ہٹانے اور مزید بچوں یا عملے کی موجودگی کا پتہ لگانے کے لیے ریسکیو آپریشن تاحال جاری ہے۔ (جاری ہے) لیڈی ریڈنگ ہسپتال پشاور کی انتظامیہ نے تصدیق کی ہے کہ حادثے کے بعد بچوں کی لاشیں اور بڑی تعداد میں زخمی بچوں کو ہسپتال لایا گیا ہے، جہاں زخمیوں کو ہنگامی بنیادوں پر طبی امداد فراہم کی جا رہی ہے، ادھر حادثے کی اطلاع ملتے ہی علاقے میں شدید خوف و ہراس پھیل گیا جب کہ بچوں کے والدین اور لواحقین بڑی تعداد میں حادثے کی جگہ اور ہسپتال پہنچ گئے #foryoupage #peshawar #foryou #viralvideo #fypシ - @maliknavideditor