@nurbolatdjumagaziev: ЭКОАПАТТЫҢ АЛДЫН АЛДЫ Аптаның басы педагогтардың кәсіби мерекесімен басталды. Әр жерде салтанатты жиын, сәнді кештер. Бірақ, М. Қаналиев атындағы Алғабас орта мектебінің тәлімгері Нұрболат Жұмағазиевтің мереке тойлайтын әсте уақыты жоқ. Көктемде өзен суы жайылған тоғандарда шабақ шоршып жатыр. Бірер айда су қатса, балықтардың қырғыны болады. Түсінген жүрек, түйсінген сана үшін бұл - экологиялық апат. Нұрболат Серікұлы кешелі бері өзінің сенімді серіктері - “Экоқорғаушылар” үйірмесінің мүшелерімен қап - қап шабақ сүзіп, Аңқаты өзеніне салды. Санын есептеу мүмкін емес, бірақ әр тіршілік иесінің өмір сүруге құқы бары анық. Айта кетейік, кеше балықтарды құтқару операциясына “Экоқорғаушылардың” жаңа буыны шықты. Аға буын бүгінде мектеп бітіріп, студент атанған. Бауыржан ШИРМЕДИНҰЛЫ, Сырым ауданы #экология #рек #рекомендации #уральск