@yomnaelkaramany: بس الحقيقة إن المشاعر مش جاية عشان نطردها، هي جاية عشان تقولنا حاجة في الـعلاج الجدلي السلوكي(DBT) بنتعلم حاجة مهمة جداً: المشاعر مش لازم نصلحها، ولا نكبتها.. احنا محتاجين نتعلم نتحملها ونفهم رسالتها. اللي بنعمله لما بنهرب من شعورنا هو إننا بنزود معاناتنا، مش بنقللها. لأن عندنا نوعين من الألم: ألم المشاعر نفسها، وألم مقاومتنا للمشاعر دي. فكرة "أن تجلس مع مشاعرك" في العلاج الجدلي هي مهارة أساسية من مهارات تحمل الكرب والتقبل الجذري. يعني إيه؟ يعني أعمل مساحة آمنة جوايا للشعور، من غير ما أحكم عليه إنه "صح أو غلط، قوي أو ضعيف"، ومن غير ما أخليه هو اللي يسوق تصرفاتي. ده هو التوازن الجدلي: أنا أتقبل إني حاسة بكده دلوقتي تماماً و في نفس الوقت أنا مسئولة عن اللي هعمله وأنا حاسة بكده. لما بتسمعي جسمك، وتدي لمشاعرك اسم، وتتكلمي مع نفسك برحمة، انتي كده بتبطلي حلقة "الحكم على الذات" اللي بتخلي شعور صغير يتحول لعاصفة. الجلوس مع الشعور مش معناه إنك هتفضلي فيه للأبد، معناه إنك بتديه الإذن إنه يعدي من خلالك بدل ما يفضل محبوس جواكي. جربي النهاردة تسألي نفسك سؤال واحد بس: "أقدر أكون رحيمة بنفسي وأنا حاسة بالشعور ده، بدل ما ألوم نفسي عليه؟" يا ترى إيه أكتر شعور بتحسيه بيغلبك الأيام دي؟ ##العلاج_الجدلي_السلوكي##DBT##تنظيم_المشاعر##تحمل_الكرب##التقبل_الجذري

Dr Yomna Elkaramany

Open In TikTok:

Region: EG

Thursday 15 October 2026 08:05:43 GMT