@arasha_kaz: 14 қазанда Астана әкімдігі қоғамдық көліктегі жол жүру тарифтерін өзгерту туралы қаулы жобасын жариялады. Құжатқа сәйкес, қалалық автобустарда жолақы қолма-қол ақшасыз төлем кезінде 110 теңгеден 150 теңгеге дейін көтеріледі. Ал қолма-қол төлейтін жолаушылар үшін жол жүру құны 300 теңге болады. Экспресс-маршруттарда жолақы қолма-қол ақшасыз төлеммен 300 теңге, ал қолма-қол ақшамен 400 теңге болып белгіленбек. Әлеуметтік маңызы бар бағыттарда жеңілдікпен жүретін көлік карталары арқылы жол жүру тегін күйінде қалады. Сондай-ақ электронды төлем жүйесі істемей қалған жағдайда, қолма-қол ақшасыз төлеуді жоспарлаған жолаушылар автобуста тегін жүре алады. Қаулы ресми жарияланғаннан кейін 10 күнтізбелік күн өткен соң күшіне енуі тиіс. Алайда Астана әкімдігінің HALYQSTAN тілшісіне хабарлауынша, бұл мерзім құжат Әділет министрлігінде мемлекеттік тіркеуден өткеннен кейін ғана есептеле бастайды. Әзірге жолақының нақты қай күннен бастап қымбаттайтыны белгісіз. Бұған дейін әкімдік жол жүру ақысын 1 желтоқсаннан бастап 150 теңгеге көтеруді ұсынған болатын.

521

2026-10-15 18:40:42

2026-10-15 16:33:22

To see more videos from user @arasha_kaz, please go to the Tikwm homepage.