@takyk.com.tm: #takyk #Türkiýe #tebigathadys #suwjoşmasy #Stambul Stambulda güýçli ýagyş suw joşmalaryna sebäp boldy. Türkiýäniň Stambul şäherinde güýçli ýagyş zerarly köçeleri we metro beketlerini suw basdy. Ulag gatnawynda bökdençlikler ýüze çykdy. Tebigy hadysa netijesinde 14 ýaşly ýetginjek aradan çykdy. 13-nji oktýabryň agşamyndan bäri ýagýan ýagyş şäheriň köçelerini, metro beketlerini we ýerasty geçelgelerini suw basmagyna getirdi. Ulag dyknyşyklary 89 göterime ýetdi. Amatsyz howa şertleri sebäpli 15-nji oktýabrda okuw mekdeplerinde sapaklar ýatyryldy. Şeýle-de, motosiklleriň we beýleki iki tigirli ulaglaryň hereket etmegi gadagan edildi. Käbir uçar gatnawlary başga howa menzillerine gönükdirildi. Suw joşmalarynyň netijelerini aradan aýyrmak üçin 8 müňden gowrak adam we 2 müňe golaý ýörite tehnika çekildi. Hünärmenler güýçli ýagyşyň dowam etmeginiň täze suw joşmalaryna we ulag gatnawynda bökdençliklere sebäp bolup biljekdigini duýdurýarlar.
