@dreamy.soul286: နမာဇ်ကို စိတ်ပါဝင်စားစွာ ဝတ်ပြုခြင်းနှင့် စိတ်ရောဂါ နမာဇ်သည်သောကအပေါင်းကို ကင်းဝေစေသည့် တစ်ခုတည်းသော ဆေးတစ် လက်ဖြစ်သည်။ ထိုနမာဇ်သည်ကား ကျွန်ုပ်နှင့်စာရှုသူတို့ ပေါ့ပေါ့တန်တန် ဝတ်ပြုနေသည့် နမာဇ်မျိုးမဟုတ်။ ထိုနမာဇ်သည်ကား စိတ်ပါဝင်စားစွာဖြင့် ဝတ်ပြုသော နမာဇ်ဖြစ်သည်။ စိတ်အာရုံတည်ငြိမ်စွာအောင်ထိမ်းပြီး အထူးအာရုံပြု၍ဝတ်ပြုခြင်း၊ ရုကူအ်တိုင်းကို တရားတော်က သတ်မှတ်ထားသည့် နည်းစနစ်နှင့်အညီဝတ်ပြုခြင်း၊ ဤအချက်နှစ်ချက် သည် တယ်လီပသီ၌ ``ဟပ်နာဇိဇမ်” ဟု ခေါ်သည်။ ဤအချက်နှစ်ချက်သည် ရောဂါကျင့်စဉ်၏ အဓိကအကြောင်းတရားများဖြစ်ပြီ။ ဤအချက်များသည် ကျင့်စဉ်ရောဂါကုထုံး ဖြစ်လာသည်။ စိတ်ရောဂါ အထူးကု ပါရဂူများကဆိုသည်။ နမာဇ်သည် စိတ်ကို တည်ငြိမ်အေးမြစေသည်။ ယခုခေတ်သစ် ဆေးပညာသုတေသီများက ရောဂါဝေဒနာရှင်များကို နမာဇ်ဝတ်ပြုရန် တိုက်တွန်းလျက်ရှိကြသည်။ စိတ်ရောဂါကုပညာရှင်တစ်ဦးက ဆိုသည်။ အကယ်၍ လူတို့သည် စိတ်ဝင်တစား နမာဇ်ဝတ်ပြုခြင်းဖြင့် ရရှိလာမည့် အကျိုးတရားများကို သိရှိသွားကြလျှင် သူတို့သည် လုပ်ငန်းဆောင်တာ အလုပ်အကိုင်များကိုပင် စွန့်၍ စိတ်ပါဝင်စားစွာဖြင့် အရသာခံစား၍ ဝတ်ပြုကြပေလိမ့်မည်။ ကျွန်တော့်ထံသို့ စိတ်ဝေဒနာရှင်တစ်ဦးလာရောက်သည်။ သူသည် ဆရာစုံ၊ ဆေးစုံနေခဲ့ပြီး ပျောက်ကင်းမှုပရရှိခဲ့။ ကျွန်တော်သည် သူ့ကို ဆေးဝါးမကုဘဲ နမာဇ်မြဲရန် နှင့် သဟ်ဂျုဒ်အစ၊ အောက်ဝါဗိန်အဆုံး နဖိလ်နမာဇ်များကိုပါမကျန် စိတ်ပါဝင်စားစွာ ဝတ်ပြုရန်ကိုသာ ညွှန်ကြားပါသည်။ ရက်အနည်းငယ်ကြာသောအခါ ဝေဒနာရှင်က ကျွန်တော်၏ ရောဂါသည် သုံးပုံတစ်ပုံခန့် ပျောက်ကင်းနေပါပြီဟု ပြန်ကြားခဲ့ပါသည်။ (မော်လာနာ ဃာဇီ တွိုင်ယစ်ဗ် ရှမ်စီ (သန့်စင်မွန်) ပြန်ဆိုထားသော) (တမန်တော်မြတ်ကြီး (ဆွ)၏ စွန္နသ်တော်နှင့် ခေတ်သိပ္ပံ စာအုပ်မှ တင်ပြပါသည်) #Mohammad Bilal

Dreamy Soul

Open In TikTok:

Region: MM

Thursday 15 October 2026 15:19:51 GMT